رواية [ بعضَ الحب قد يكتمل . . بـ آخر ] بـقلم : عـــــاشق شمــــوخ

سلامَ من الله عليكم َ
منذ زمنَ كنتُ أرغبَ بـ تدوينَ روايةَ وسكب شيءَ من رحيق القلم فوق صدر الورقَ
لم أجدَ المشجعَ على تلك الخطوةَ ، ولم يتواجد الشخص الذي يدفعنيَ لـ أجربَ
ترددتُ كثيراً لــ أقرر أن يكونَ لي إبنة أسميها ( رواية )
ممتن لذلك الصديقَ الذي أخذ بيديَ وجعلنيَ أخطو الخطوة الاولى
ومنحنيَ شيء من الثقه لـ أجربَ أن كان بها صواب أو خطأ ..

فلم أجد نفسي سوىَ بجوار الاحرف الكيبوردية لـ أكتب حرفاَ تلو الاخر
دون ترتيب مسبق لـ شيء معين . .


أمنياتيَ بأن يطيب لكم القراءه والمكوثُ وأن تعيشوا فصول الروايةَ
كما أحاول جاهداً أن تصلَ لـ ذائقتكم وتروق لكم ..


القصة وأحداثهاَ خياليهَ ولكنها أقرب ماتكون لـ واقع ( من عمق أحساسي )
سـ أرسمها لكمَ بـ قلمي
وسـ أعيشَ أحداثهاَ حقيقة وكأنها واقعاً لـ أخرجها لكمَ كما أريد ..
وأطمح حتماً لـ مشورتكمَ ولـ رأيكمَ ولـ شيء من عذب إحساسكم
.. سـ أنزل بكل فتره فصلاً وبعد أن أنتهي من طرحة
أترقب حتماً وبشغفَ رأيكمَ وتوقعاتكم لـ سير القصة ،
قد يكون رأي أحدكم مغير لـ أتجاة الرواية أن تذوقنا صدقة بـ الرأي
سـ أخذ برأيكم أعدكم وأعدكم الوعد التام بـ الانصات لـ همساتكم
حتماً لاأستغنيَ عن تواجدكم ولا عن توجيهاتكم
فـ بعضَ الاحداث سـ أقف حائراً أمامها ، غير قادر على تخطيها
بــ كم سـ أستمد القوى لـ تستمر الفصول
فقد كتبتها من أجلي ومن أجلكم أيها القراء . . .


ملحوظة :
الروايةَ لم يتمَ طرحها مسبقاً في أي مكان ولازلتُ في بدايتهاَ
والاسماء التي هنا ليستَ سوى من محض خيالي لاأقصد أحداً بها أبداً
وأن تصادفت مع أسماء واقعيه أو رواياتَ أخرى
فـ أشهدكم أمام خالقي بأنها خيالية من فكريَ الصغير

تحكيَ تفاصيل الرواية مزيجَ من الالمَ من الحبَ بـ خفقاته المفاجاءه
تحكي مشاعرَ ملتهبهَ وأخر بارده جداً فصول من الالم وأيضاً الامل




أطيب الامنيات أتمناها لكم

روايةَ ( بعضَ الحبَ قد يكتمل . . بطرف أخر )
بـقلم : عـــــاشــق شمــــــوخ






الشخصيات :


بيت ( أبو محمد)
أبو محمد كثير السفر ونادراً مايجلس في البيت
أم محمد حرمة كبيرهـ في السن وإنسانة طيبة
محمد دكتور بالجامعة
وفيصل يدرس بالجامعة تخصص علوم طبية إنسان طيب ومعرف عنه الهدوءء
ونوف تدرس بالجامعة تخصص فيزياء طموحاتها عالية ومغروره بنفسها
والهنوف بثالث ثانوي ناعمه وأنثوية حيل ومن أول نظره وجلسة يحبها كل من في المكان بروحها
المرحة دلوعة أهلها وخاصة من أخوها محمد ،


وبيت (أبو بدر )
أبو بدر رجل أعمال وعندهـ شركة أغلب الوقت يكون موجود فيها
أم بدر متوفيه من كم سنة ..
وجدتهم ( نورة) أم أبوهم حرمة كبيره في السن وهي الكل في البيت والكل يشاورها
ويأخذ رأيها بالبيت بداية من أبو بدر إلى أخر العيال
وبدرمتزوج زوجتة العنود وعندهـ ولد ( مشعل )ومارضى يساند أبوه في شركتة
طموحه يكمل دراستة بعيد عن الشركة
وخلود متخرجة من الجامعة ومابعد توظفت صايرة مكان أمها والام لـ أخوانها
وخالد شاب وسيم والف بنت تتمناه في السنة الاخيره بالجامعة تخصص حاسب آلي وأبوه منتظر تخرجة عشان يمسك أعماله
منار بالثانوي وإنسانة فله وأهم شيء سعة الصدر والوناسة خفيفة دم وماتعرف للحزن طريق
ومشاري بالجامعة تخصص هندسة قاسم مشترك بينه وبين منار الوناسة والفلة
و تركي إنسان ( معاق) ودايم نظرات الانكسار واضحة بعيونه







الجزء الاول :

| | | | إبتسام القدر | | | |


قامت من النوم وصلت لها ركعتين وجلست على سجادتها تستغفرتعودت ( أم عبدالله)
تفتتح يومها بركعتين الضحى ، قطع عليها الاستغفار صوت أبو بدر
صباحك الله بالخير يالغالية
الجدة : صباحك الله بالرضى والعافية
أبو بدر : وشلونك يمة !
الجدة : بخير يامال الخير
أبو بدر: وين العيال مالهم صوت
الجدة : مابعد قاموا مدري متى بيخلون السهر ويقومون مثل أيام قبل مع طلعه الشمس
ماتلقى أحد بفراشة ،
أبو بدر : الزمان تغير يايمة ماعاد هو على خبرك الا وش أخبار أبو صالح جاركم سمعت البارح من واحد من الربع أن عياله
تركوه وصار لحاله ببيته
الجدة : الله لايبلانا احد من عياله تزوج والي سافر يكمل دراستة ومابقى الا هو ببيته
لا عنده من يخدمة ولا من يساعده ويطل عليه
خلود :صبحكم الله بالخير
الجدة أبو بدر: صبحك الله بـ الخير
الجدة : ياحي الله بنيتي ،
خلود : الله يحيك ياجده وش عند أبو بدر تارك الشركة وجالس اليوم شكل فيه سالفة
أبو بدر: أبد يابنيتي اليوم خميس وماأروح بدري للشركة
الجدة : متعب نفسك مع الشغل وناسي صحتك ألتفت لنفسك شوي الشغل مايخلص والعمر مابداله عمر
أبو بدر: أذا مامسكنا حلالنا بـ أنفسنا بيضيع بيدين غيرنا وبدر تعبت من كثر ماأحاول فيه يدير الشركه
بس ماش ماطاع يلين رأسه ، يالله مابقى شيء ويتخرج خالد ويشيل الحمل عني
خلود : سوالف الشركات ماتخلص ، ماودكم تفطرون تراني مجهزتة
الجدة : أنا أشهد أن أم بدر خلفت بنت سنعه ، الله يزقك يابنيتي بـ الزوج الي يقدرك
خلود : أذا دخلنا بسالفه العرس ماحنا بطالعين منها اليوم على خير ، يالله أبروح أقومهم للفطور
الجدة : يالله جايين وراك


***

على الفطور الكل جالس يأكل
الجدة : وين مشاري !
منار : مافيه جديد كالعادة الخيشة نايم فوق
خالد : مارجع الا متأخر أمس مابعد نام له كم ساعه
الجدة : مدري متى بيخلي السهر عنه ذا الولد
منار: أجل بالله عليكم أحد يفوت على نفسة هالجلسة الحلوة وهالفطور السنع المتعوب عليه
خلود : تتطنزين أنتِ الحين
منار : لاأحاول ياست خلود أجل مقومتني من أحلى نومة عشان كسرة خبزه وجبنة الي يسمعك تقولين فطور
بيتوقع السفره ممدوة
خالد : لو أنه خبيزات جدتي نوره ، ياأنا مشتهي خبيزاتك ياجده
الجدة : أبشر ياوليدي ماطلبت شيء بكره أن شاء الله
منار : تركي وين وصلت !
تركي : هاه
منار : لا شكل الحب معذبك فضفض من هي سعيدة الحظ!
تركي : وش حبة أنتِ بعد
منار : عادي عادي ياما لعب بغيرك وقفت عليك يعني
خالد : ماشاء الله خبره الاخت ،
منار : ياأخي أنا مشكلتي محد عاجبني ، مدري متى أبلقى فارس أحلامي
خالد: داعيه عليه أمه الفارس المرتقب
منار : قصدك داعيه له ياحبي لي بس
خالد : هههههههههههههه مشكله الثقه الزايده
خلود : بدال هذرتك روحي قومي مشاري خليه يلحق على الفطور
منار : لا أحد يسمعك وأنتِ تقولين فطور بس يحسب صدق عندنا فطور ههههههههههههه
خلود : وبعدين !
منار : ولاتزعل ياجميل يالله رايحة


* * *

أم محمد : أبروح اليوم لـبيت أبو بدر عازمة ( أم عبدالله ) الجيران بتروحون معي
نوف : وهي طايره من الفرحة أيه يمة أبروح معك
أم محمد : وأنتِ الهنوف!
الهنوف:لا يمة وراي مذاكره وواجبات أبخلصها
أم محمد : الله يوفقك ،أجل نروح لهم العصر
نوف : أن شاء الله يمة
نوف كانت تحب الروحة دايم لـ بيت أبو بدر وملاحظة أم محمد حرصها الدايم على زيارتهم
لكن ماتعرف السبب وراء الاهتمام ، والسؤال الدايم عن أخبارهم ..

نوف من يوم عرفت بطاري الروحة لـبيت أبو بدر ، راحت على المطبخ وسوت لها حلا للقهوه
وبعدها راحت تسبحت وطلعت نشفت شعرها وطلعت لها تنوره أسود قصيره وقميص أبيض
مع بعض المكياج الخفيف وطلعت في قمة الأناقة
في بيت أبو بدر
نوره ( الجدة) : ماشاء الله وش ذا الحلا السنع
أم محمد : مسويتة نوف
الجدة : بعدي البنت السنعه والله
نوف : ( مستحية ) تسلمين خالتي ، كانت كلمات المديح من ( أم عبدالله ) كافية لـ ترسم الخجل على ملامحها
وتحرص دائماً أن ترضينها بـ كافة الطرق وبـ شتى السبل لـ هدف كان تسعى له !
خلود : وش أخبار الدراسة يانوف معاك !
نوف بـ غرور :تعرفين قسمي مو أي قسم وصعبة الدراسة فيه ، وأخاف على نفسي من التجارب
الي نسويها كل يوم لايصير فيني شيء بيوم من الايام بـ سبايبها
خلود : الله يسهل أمرك أن شاء الله
نوف : وش أخبار أخوانك !
خلود : أبد والله بدر يفكر يسافر للخارج هو وزوجته يكمل دراسته وللحين مابعد ، وتركي حابس نفسه
ودايم شايل هموم الدنيا على رأسه ، وخالد شاد حيلة هذي أخر سنة له بالجامعة ويتخرج
هنا نوف دق قلبها وبقوه، وقلبها يرقص فرح لـ سماع أخبار خالد ماكانت تبي تسأل الا عن أخباره
هو وبس ، لانه هو الي يهمها ، ياترى تحس فيني ويهمك وجودي !
خلود : وين وصلتِ نوف !
نوف : هاه لا معاك وش كنا نقول



* * *

الهنوف جالسة تذاكر ومتهمكة في الكتب فجاءة رن التلفون
الهنوف : الووو
أبو محمد : هلا أنا أبوك
الهنوف : هلا يبة وشلونك !
أبو محمد : الحمدالله بخير يابنتي ، وش أخبار أخوانك
الهنوف : الحمدالله طيبين وبخير ، أنت وشلونك ووين أراضيك طولت علينا
أبو محمد : قريب وأن شاء الله أبزوركم قريب ، وين أمك أبكلمها!
الهنوف: أمي مو بالبيت عند جيرانا ( أبو بدر )
أبو محمد : طيب أتصلي عليها وخليها تجي شوي وابرجع أتصل فيكم يمكن مايحصل لي أكلم وقت ثاني
الهنوف : أن شاء الله يبة
أبو محمد : يالله مع السلامه
الهنوف : مع السلامة

حاولت الهنوف تتصل ببيت أبو بدر بس محد يرد على التلفون ، قررت أنها تروح لهم لبست عبايتها
وضربت الجرس وفتحت لها الخدامة دخلت وهي بالحوش كشفت وجهها وتركت الطرحة على أكتافها
وكان شعرها مرفوع بشكل عشوائي وبدون ترتيب وهي تمشي بتروح لـ الباب الداخلي حطيت يدها على الباب
بتفتحه ولما فتحت الباب لقت قدامها رجال وقفت بمكانها مو مستوعبه من الي قدامها وهو وقف بمكانه بعدين كمل طريقة وطلع
صار وجهها أحمر، وتحس بالفشيلة وهي واقفة بمكانها
منار : هلا والله الهنوف
الهنوف : . . .
منار : الهنوف وش فيك متخرعه!
الهنوف : واحد من أخوانك شافني
منار : ههههههههههههه لاتقولين مشاري تراه راعي بصبصه ومايستحي وإحتمال يسوي أي حركه
الهنوف : مدري من هو بس طويل هذا لاني صرت قصيره عندهـ
منار : بس هذا المملوح خالد ، دامه خالد لاتشيلين هم ماشافك
الهنوف : وشلون !
منار :خالد ياطويلة العمر مستحيل يشوف بنت أو يعطيها فكر أخر شيء ممكن يفكر فيه السوالف هذي
عشان كذا أعتبريه ماشافك
الهنوف : صدق
منار : افا عليك أخته وأعرفه
الهنوف : زين ، الموقف نساني وش أنا جايه عشانه وين أمي فيه
منار : من هنا تعالي .. .


* * *

محمد : أنتهتَ المحاضرةَ الاسبوع القادم أبجمع البحوث الي ماتجيب البحث تعتبر نفسها خذت صفر
ولا أحد يجيب لي بحث بعد كذا
ذهبت لـ الهاتف وضغطت : ممكن دكتور
محمد : تفضلي
لو سمحت دكتور عندي ظرف الاسبوع الجاي ومااقدر أكمل البحث
محمد : ظرف حقيقي أومجرد لعب !
أذا ماصدقت أجيب لك الاوراق الي تثبت صدق كلامي
محمد : خلاص متاح لك لـ الاسبوع الي بعده ، لك أنتِ بس وحطي ورقة العذر
شكراً دكتور
محمد : العفو لكن وش أسمك عشان أسجله عندي !
أسمي أشواق الـ . . . .
محمد :طيب ، أشوفكم الاسبوع الجاي




أنتهيتٌ من الفصل بـ صباحي هذا فـ وضعته بين يديكم

أمنياتيَ بأن تصل لرضاكم
الجوري لكم

الجزء الثاني

|||| بصيص نورَ لاح بـ الأفق ||||



وبالصالة في بيت أبو بدر
الجدة: خلود جيبي الشاهي يمة
خلود : أن شاء الله جدتي هذا أنا جاية
مشاري : هاااااي
الجدة: وش أنت تقول الحين
مشاري : هههههههه اقول السلام عليكم
الجدة : وعليكم السلام ، متى بتخلي عندك ذا الكلام الي مدري من وين تجيبة
مشاري : وش عرفك ياجدة بالتطور
الجدة : ياجعلني ميته ولا أشوف ذا التطور الي تكلم عنه
مشاري : بعد عمر طويل يالغالية
مشاري : ماودك تزوجيني وتشوفين عيالي حولك
الجدة : الا والله ياوليدي ودي بشوفة عيالك وعيال خالد قبل موتي
مشاري :وش فيك على سالفة الموت اليوم ياجدة الله يطول بعمرك ويخليك لنا ، وهو يضحك بس أنا لي شرط ومايتم العرس بدونة
الجدة : وش شرطك ياوليدي
مشاري : مايتم العرس الا أشوفك ترقصين قدام عيني والا أبو بدر أحسن مني يومك ترقصين بعرسة
الجدة وهي تضحك : ماعاد فيني شدة على الحركة هذاك أول
مشاري : ماعلي هذا شرطي الا كانك تبيني أجلس بدون عرس هذا شيء ثاني
خلود : أنت متى بتخلي عندك سوالف العرس يامشاري
مشاري : آآآه أبي أتزوج ياناس وش فيكم
خلود : خلف الله على الي بتأخذك
مشاري : أنتِ لمتى بتقعدين فوق رؤسنا وراء ماتعرسين وتفكينا
خلود : جالسة على قلبك
الجدة : ودي بشوفة عيالك ياخلود يلعبون حولي وينامون بحظني الي بسنك تزوجوا وحملوا بعيال
وش يردك من العرس لاهم أزين منك ولاأسنع منك
خلود : والله ياجدتي تعرفين رأيي بـ هالسالفه وسالفة العرس شيلوها من رؤسكم مالي خاطر بالزواج
مشاري : ليه وش علتك ماتعرسين ! تتعذرين أول بأننا صغار من بعد وفاة الوالده لكن الحين الحمدالله
كلنا كبار وجدتي موجوده وماتقصر ، وماعلينا خوف
خلود : أنت الحين وش لقفك ، تغمزله يعني غير السالفه
مشاري : جدتي متى بنروح لـ المزرعه ولهنا على الجلسة فيها وسعة الصدر
خلود : أيه والله ياجدة ودنا نغير جو ونجلس فيها كم يوم
الجدة : ولهة ياعيالي على النخيل والجلسة فيها تشرح الصدر
مشاري : خلاص خلونا نطلع الخميس والجمعة الجايه ماورانا شيء
خلود : خلاص نشوف أبوي على الله مايكون عنده شغل ويوافق
الجدة : عطيني عصاي يابنيتي أبروح أتجدد لصلاة المغرب
خلود : سمي ياجدتي
الجدة : سلمتِ يابنيتي
راحت الجدة لـ غرفتها تستعد قبل صلاة المغرب تعودت تلازم السجادة وتلزم الاستغفار
خلود : وين تركي أجل ماشفته اليوم !
مشاري : أكيد بغرفتة كالعادة
خلود : والله اني خايفة عليه يصير فيه شيء من العزلة الي مسويها عن الناس
مشاري : عجزت فيه وأنا أحاول أطلعه معي ومع ربعي وماطاوعني
خلود : حاول فيه دايم جالس بغرفته أو يطلع معنا قليل
مشاري : مقدر تعبه النفسي بس ماباليد حيلة المفروض يطلع ويشوف الناس مو نهاية العالم أنه مايقدر يمشي الا بكرسي
أكثر شخص يسمع له ويأخذ منه هو خالد خليه يكلمه ويحاول فيه
خلود: أبكلم خالد يحاول يطلعه معاه اقلها يشوف الناس من زمان ماطلع
تركي إنسان طموح جداً ومتفوق من صغره أحلامة ماكان لها حد وطموحاتها مالها نهايه
قبل سنتين صار عليه حادث وطلع من الحادث بـ أعجوبة ولطف القدر بس فقد وتبخرت كل
طموحاته وأحلامة وأنتهى العالم بنظره بفقد قدمية وقدرتة على السير وأصبح ملازم للكرسي المتحرك
نظرتة للدنيا صارت كلها سوداويه بعد الاشراق وحبس ذاته بعيد عن الناس ونظرات البعض المشفقه
والاخرى المستهزئة من أصحاب العقول الفارغة ، تغيرإلى شخص أخر والكل ملاحظ عليه
بس يحاولون مايجرحونه بـكلامهم لذلك تاركينه مثل مايبغى هو يكون



***


بدر والعنود تزوجوا بعد قصة حب عاشها الطرفين حبهم أسطوريَ ، وروحينَ تعاهدا على الوفاء والحب
قصةَ حبهم كانت العائلة تعرفها ، ويدركون مدى حب بدر لـ العنود وعشق العنود لـ بدر كان ثمرة حبهم
هو مشعل الطفل إبن الثلاث سنوات كان أحدى الهدايا والزهره التي تفتحت ربيعاً لـ أيامهم
وبـ مساء وبـ أحد لياليهم الحالمة
بدر : العنود الوالد يلح علي والأيام هذي بزود بـ سالفة الشركة ومصر أني أشاركه وأساعدة في الحمل
ماودي والله أرد الوالد وأنتِ تعرفين غلاته عندي ، بس طموحي أكمل دراستي بـ المجال الي أنا أحبه
بعيد عن الشركات ودوخة الرأس وبشيء ماأعرفة ولاأميل لة
العنود : حبيبي أعرف طموحك بس خالي الحمل الي على ظهره كبير ومثل ماأنت عارف هو صار
رجال كبير وماعاد لـه بالشقاء والتعب
بدر: خالد أن شاء الله بيتخرج قريب والوالد حاط الأمل فيه ، الحل الوحيد الي بيخلي الوالد يقتنع وينسى السالفة
الحل الي قلت لك علية أني أسافر وأكمل دراستي بـ المجال الي أنا أحبة والي أطمح فيه من صغري ،
عزمت خلاص على السفرة ووعدني وأحد من الشباب يرتب لي السفرة بحكم خبرتة بـ هالأمور
وأكيد أنتِ ومشعل معي
العنود : وشلون نترك أهلنا وناسنا ونعيش بمكان مانعرف أحد فيه ، والله الغربة صعبة
وأنك تترك وطنك والمكان الي عشت فية سنين عمرك وأحلى أيامك مقدر على فراق أمي وأبوي
وأخواني ، وحتى خالي أبو بدر وجدتي نورة والبنات تعودت على حسهم وشوفتهم
بدر :كلها سنتين أو ثلاث وأحنا راجعين
العنود : وتحسها شوية !
بدر : أدري صعبة وبتكون طويلة ومملة بدونهم بالبداية لكن بعدين نتعود
العنود : والله صعبة يابدر
بدر وهو معصب : ماتبين تروحين معي يعني !
العنود :ساكتة
بدر : قولي مابي !
العنود : والله الغربة صعبة ومقدر عليها
بدر وهو معصب أكثر : خلاص موب لازم تروحين معي تصير لحالي وخليك عند حبايبك
طلع وترك لها الغرفة وسكر الباب وراه ، راح للصالة وشغل التلفزيون وجلس على الكنبة ماكان يبي يشوف شيء
كان يبي يبعد عن المكان الي هي فيه ، حتى مايغلط عليها أو يقول شيء يندم علية
حط أيدهـ تحت رأسة وتسند على الكنب وجلس يفكر وعيونة لـ فوق ، هو ليش عصب عليها ،
كانت تكلمه بهدوء وتحكي له شعورها وإحساسها ماكان المفروض يعصب والمفروض مني
أني أحتوي إحساسها وأحاول أدفيها لـ أيام باردة بتكون بعيده عن أهلها وناسها
أنا صحيح ماأقدر أروح لـ مكان بدونها ، ولا أسمع صوتها وتداعبني ضحكاتها
مايصبرني على الغربة الي أبعيشها غيرك يالعنود أنتِ ومشعل بدونكم ماأقدر ،
غمض عيونه وجلس ساكن بـ مكانة بدون لايتحرك وبـ نفس عميق وهادي


العنود بعد صراخ بدر وطلعته من الغرفة وتسكيرة الباب قام مشعل من نومة
راحت لـة وحضنته وحاولت أنها تخليه ينام ، بعد مانام رجعته لـ سريرة وغطته
طلعت من الغرفة وشافت بدر جالس على الكنب قربت منه وجلست جنبة بـ الكنب
سكتت شوي حست أنه الأكيد حس بوجودها بس مانطق بكلمة
العنود : بدر أنت تعرف أنك الدنيا لي وبدونك أنا مقدر أعيش فيها
بدر : . . . .ساكت
العنود : تتوقع لو رفضت أروح معك بكون سعيدة وأنت بعيد عني وبـ أرض غير أرضي
بدر : .... ساكت
العنود : صحيح الغربة صعبة ، وفراق الغالين شيء مو سهل علي لكن دامني معك أكيد بكون
بخير وبيكون قلبي بعد بخير لان روحي معي ومستحيل أفارقها بيوم ،
بدر : فتح عيونة وصار يطالعها
العنود : بدر كنت أكلمك عن إحساسي وأوصف لك شعوري بـفراقهم ماكنت أقصد أني أزعلك
أو أني مابي أكون معك ، كنت أحاكي قلبي الي هو أنت وأفضفض له شعوري
وطاحت دمعة من عينها ونزلت رأسها
بدرمايتحمل يشوف دمعة بعين العنود ، وشلون هو يطيح الدمعة منها
قرب بدر منها ومسك يدها وقربها منه وترك رأسها بحضنة وصار يداعب يدها
بدر : العنود ياقلبي آسف والله ماقصدت أزعلك مني بس مقدر أكون بعيد عنك وعن مشعل
أبيكم معي ، أيام صعبة بتكون بس دامكم فيها بـ نقدر نعديها وتكون حلوة بـ لمتنا
العنود : بنكون معك مانقدر نكون بعيد عنك
بدر : طيب أنتِ تعرفين أني أحبك !
العنود : الا أعرف .. وأعرف أني أحبك أكثر
رفع رأسها ومسح دمعتها الي على خدها ، وهي تبتسم
بدر : الله لايحرمني من هالروح
العنود : ولايحرمني منك . . . .


* * *

في بيت أبو محمد
الهنوف : يمة صديقاتي بيطلعون لـ كافيَ في الفيصيلية اليوم وأبي أطلع معهم ، أبغير جو المذاكرة مليت
أم محمد : قلت لك لا ماينفع تروحين لحالك
الهنوف : تكفين يمة وش بيصير فيني ماني لحالي معي البنات
أم محمد : ماعلينا من غيرنا لو يدري أبوك أني أخليك تروحين لحالك يسوي لنا سالفة
الهنوف : وهو أبوي متى درى عنا أو عرف وش نسوي دايم مو عندنا
أم محمد : ولو أنتم أمانة عندي ولازم أنتبة لكم
الهنوف :يمة كلها ساعة وأنا راجعة ماني مطولة
دخل محمد : مساء الخير
أم محمد : هلا بـ وليدي
الهنوف : هلا بـ أخوي حبيبي
محمد : حبيبي ! هاتي من الاخير وش عندك
الهنوف : وراه أول مره أقولها لك يعني
محمد : لا ياكثر ماتقولينها أذا كان عندك طلب بعدها
الهنوف : والله انك ظالمني
محمد : كم عندي من الهنوف مافيه الا وحده ولو تطلب عيوني عطيتها
الهنوف وهي تضحك : تسلم لي العيون وراعيها
صديقاتي بيطلعون اليوم على المغرب لـ كافي وخاطري أروح معهم شوي أبغير جو بس
وأمي رافضة أني أروح ، تعرفني مالي بـ الف والدوران قصدي أشم هواء تسمع أمي
عن القصص الي تصير بـ الاسواق ومتأثره منها
محمد : يمة خليها تروح دامها مع صديقاتها ماعليها شر أن شاء الله
أم محمد : ولو ياوليدي أذا صار لبنيتي شيء ابلوم نفسي
الهنوف مكشرة ..
محمد : طيب شوي شوي على بوزك لايصير فيه شيء أرحمية ههههههه
الهنوف : خلني ساكتة لاأصيح عليكم ومن يسكتني عاد
محمد : ههههههههههه أحبك لاصرتي معصبة تصيرين أحسن بنت
الهنوف : أيه أضحك وش عليك
محمد : خلاص يمة وأذا قلت لك أبروح معها !
أم محمد : أكيد مافيه خلاف ياولدي
الهنوف : وش تروح معي تسوي !
محمد : أبجلس معك وش فيها
الهنوف : تخيل تجلس معي وصديقاتي وين يروحون أن شاء الله يكونون معنا بعد
محمد : أيه عادي مافيها شيء ندردش شوي
الهنوف : دامها كذا موب لازم أروح
محمد : هههههه تغارين علي هذا وأنا أخوك أجل حبيب القلب وش بيصير فيه
الهنوف : أيه أغار خير تجلس معهم
محمد : أسمعي أبروح معك وأبخليك تجلسين مع البنات وأبخذ لي لفة في السوق
على بال ماتخلصين بس مو تطولين تخبريني أزهق من السوق
الهنوف : أبشر من عيوني كلها ساعة وطالعه ، تسلم لي
محمد : يالله قومي أجل تجهزي وأنا طالع لمشوار وجاي لك لاتتأخرين
الهنوف : أبشر أبكون جاهزه ،


* * *

على المغرب كانت الهنوف جاهزة لبست عبايتها وطلعت لـ محمد الي كان ينتظرها بالسيارة
دخلوا للسوق وراحت لـ صديقاتها بـ الكافي ، وتركها وراح يأخذ له قهوه ويتفرج على بعض المحلات،
الهنوف كانت جالسةَ على طاولات بركن مع صديقاتها كان الجو وناسة ورايق المكان
أسماء : الهنوف شوفي المملوح ذاك الي واقف هناك عند المحل ، من قدها خويتة فيه
الهنوف : كأني أعرف هذا الرجال ..
أسماء : وين تعرفينه يقرب لكم يعني !
الهنوف : لا بس مو غريب علي شكلة
أسماء : والله مدري
الهنوف : بس عرفته هذا خالد أخو منار بنت جيرانا الي معنا بالمدرسة عرفتيها
أسماء : أيه عرفتها ماشاء الله أخوها ماعليه كلام ، تتوقعين هي الي معه
الهنوف : مدري أو يمكن أختة خلود
أسماء : ولية ماتكون خويتة
الهنوف : لاماأتوقع لأن منار تقول موب راعي ذا الحركات
أسماء : ماشاء الله أشوفك عارفة عنه كل شيء علينا هالحركات
الهنوف : هذا كلام أخته أنا وش دخلني لا حركات ولا شيء
أسماء : دام الي معه أخته ليش ماتروحين تسلمين عليها
الهنوف : وين فشلة أروح لها وهو معها
أسماء : لا عادي أذا راح عنها روحي سلمي عليها
الهنوف : تتوقعين عادي
أسماء : أيه وش فيها
الهنوف : طيب

قامت الهنوف من مكانها وراحت أتجاه خالد وأخته لما شافته بعد عنها وجلس واقف ويطل من الزجاج
لـ تحت ويتفرج ، راحت وسلمت أهلين خلود : أهلين مين
الهنوف : ماعرفتيني
خلود : هلا والله الهنوف وش اخبارك
الهنوف : الحمدالله وش علومك أنتِ
خلود : والله تمام
الهنوف : شفت أخوك خالد من بعيد وعرفتة وتوقعت أنتِ أو منار معاه
خلود : لا والله منار ماجت معنا عندها أختبار وجلست تذاكر وجيت أبي محل مدحته لي وحده من البنات
أبي أشتري منه عطور ومكياج وللحين مالقتيه
الهنوف : أي محل تبغين !
خلود : Faces
الهنوف : مو هنا المحل المحل بالدور الي تحت
خلود : دورته ومالقتية شكلي ماأنتبهت
الهنوف : أذا تبغين أوديك أعرفه
خلود : ياليت والله لأن أخوي خالد مستعجل وأخاف أآخره
الهنوف : أوك مشينا
خلود : لحظة أبعطي خالد خبر
الهنوف : طيب
خلود راحت لـ خالد ، خالد : مين هذي الي أنتِ واقفة معها
خلود : هذي الهنوف بنت جيرانا وأبروح معها بتوديني للمحل
بتروح معنا أو تنتظرني
خالد : لا أبروح معك وش يجلسني هنا
خلود : أجل مشينا
راحت للهنوف وصار خالد وراهم نزلوا تحت ووصلت خلود للمحل
جلستَ تشتري معها الأغراض وخالد واقف بعيد عنهم ويطالعهم بين وقت والثاني
شرت خلود الي كانت تبغى من المحل ، وطلعوا ، خلود : تبغينا نوصلك معنا
الهنوف : الله يعطيك العافيه لا أخوي محمد معاي كنت جالسه مع صديقاتي
ومحمد أخوي بيروح لـ كذا محل وبيرجع لي ، أبتصل علية أشوف أذا هو قريب من هنا
طلعت الهنوف جوالها بتتصل على محمد ولقت البطارية منتهيه وتقفل الجوال
الهنوف : جوالي تقفل خلص الشحن تعطيني جوالك أتصل عليه
خلود : ماجبت جوالي تاركته بـ البيت لـ حظة أجيب جوال خالد
الهنوف : لا خلاص مو لازم أبكلم من جوالي وحده من صديقاتي
خلود : ولو لحظة بس
راحت خلود وطلبت من خالد الجوال عطاها الجوال وعطته الهنوف
الهنوف : والله متفشلة فيه
خلود : وش دعوة مابينا فشيلة
الهنوف لما مسكت الجوال كان عطرة عالقه ريحته بالجوال ووصلت لها
كان حيل رايق العطر ومنعش ويدل على ذوق صاحبة ضغطت الرقم وأتصلت على محمد
رد محمد هلا : أبو خلود
الهنوف : هلا محمد
محمد : وش جابك أنتِ هنا
الهنوف : سالفة طويلة أقولها لك أذا جيت وينك أنت !
محمد : وينك أنتِ فيه !
الهنوف : أنا تحت قريب من البوابة
محمد : خليك أبجي لك
الهنوف : أنتظرك
قفلت من محمد وعطت الجوال خلود ، ورجعت خلود الجوال لـ خالد خالد خذه وهو ممرره بـيرجعه لـ جيبة
وصلته ريحة عطر أنثوي طاغي وجذاب رجع رفع الجوال لـ قريب من أنفة عرف أن مصدر العطر الهنوف
رجعة بجيبة وشاف محمد جاي سلم على خالد وجلس يدردش معه شوي
وبعدها سلم عليه وخذ خلود وراح .. محمد : وش السالفه الحين !
الهنوف : أقولها لك بالسياره
محمد : خلصتِ !
الهنوف : أيه خلاص شوي وبيطلعون البنات
محمد : أجل يالله مشينا



***

مشاري : منار وين الفلم الي جايبة أمس مالقيته بغرفتي
منار : يسلم عليك وأبشرك أني شفته وخلصت منها يـاهو فلم شنيع
مشاري : احلفي بربك وش هـ الميانة على كيفك تأخذينها ولا تشاورين
منار : أمس طفشانة حدي قلت مالي الا غرفتك أحوس فيها وأكيد أبطلع لـي بشيء
وماأمداني أدخل الا القى هالـ فلم قدامي خذته وشفته بس صراحة أنت فنان تعرف تختار عجبني مره
مشاري : مثل لـ قافتك وتدخلك بـ خصوصيات العالم ماشفت
منار : شف ياحبيبي مني ماتلقى أثنين ، وش عرفك أنت بالتميز
مشاري : هههههههههه تميز باللقافه تقصدين
منار : هههههههه ترى يعتبر تميز أنت ووجهك
مشاري : بالحيل
تركي : وين جدتي أجل ماشفتها اليوم !
مشاري : أنت متى طلعت من غرفتك عشان تشوف أحد
تركي مارد وسكت ، مشاري حس أنه أزعجة بـ كلامه
مشاري : جدتي بـ غرفتها منسدحة والظاهر أنها نامت ، تروك غلطت بالنبرة على بالي أحكي مع منار ، نسيت أنك مرهف الحس والمشاعر
موب مثل أخت الي تسمع فيها
منار : وش قصدك يعني ماعندي إحساس !
مشاري : هذي شيء مفروغ منه الاحساس شرق وأنتِ غرب
منار : بالله
تركي : ماعليك منار أنتِ الذوق كله
مشاري : الله الله الحين عرفت تمدح
منار : ياحبي لـ أخوي بس ، تعلم منه الذوق مو أنت الي ماتقدر إحساسي ومشاعري
خلود وخالد : مساء الخير
منار : هلا والله ، بشري عساك شريتي
خلود : أيه والله ياعليهم عطورت تدوخ شوفي
خالد وهو ساكت أذا فيه عطر يدوخ هو الي عالق بـ جوالي ، كان يبي يسألهم وش أسمه لكن سكت
خالد : يالله أنا تأخرت مواعد طلال أبطلع معه ، تركي ماودك تطلع معي تغير جو
تركي : لا والله مالي خاطر
خالد : الي يريحك فمان الله
الجميع : الله معك



***



أمنياتي لـ كم بـ قراءه ممتعة
ولكم منتظر دوماً

اتمني اشوووووووووووووووووووووووووووووووووووووووووف ردود عشان اكملها لكم


عن جد تعبتني...................



لكم ودي اخواني واخواتي الاعضــــــــــــــاء

يسلموووو ع القصه

جاري القرائه

ونتمنى ماتطول علينا بالاجزاء الجديده

تقبل مروري

الجزء الثالث


|||| بنكهة السكر كانت الأيام ||||



اليوم أربعاء وموعد طلعة عائلة أبو بدر لـ المزرعة بيقضون أربعاء وخميس وجمعة
خلود :جدتيَ تبين نأخذ معنا طحين عشان تسوين لنا خبز البر
الجدة : أيه يابنيتي خذي معك بتلقين كيسة منه بـ المخزن بس أحرصي عليه وأربطية زين
خلود : أن شاء الله جدتي
الجدة : الا منار وينها وراها ماتجي تساعدك
خلود : منار من أمس وهي تستعد بغرفتها دولابها كلة حطته بالشنطة ومابقى شيء ماضفته معها
الجدة : الله يصلحها مدري متى بتتسنع
الجدة : منار .. منار
منار : هلا جدتي
الجدة : وراك الحين ماتجين تساعدين أختك !
منار : جالسة أكلم صديقاتي على المسانجر أبودعهم ( أهي .. أهي ) أبشتاق لهم
الجدة : وش تقولين تكلمينهم !
منار : يوه نسيتي ياجدتي البنات الي أكلمهم بـ جهازي هذي المره الألف الي أشرح لك فيه
الجدة : خلي عندك الخرابيط وتعالي ساعدي أختك
منار : جاية بس شويات أقفل
خلود : كلمتي عمي عبدالله ياجده
الجدة : أيه يابنيتي كلمتة اليوم وقلت له أننا بنطلع لـ المزرعه وقال أنه بيجي هو ورغد أذا مامسكة شغل
خلود : أوه وناسة ياحبي لـ رغد
خلود : جدتي تعالي شوفي وش ذا
الجدة : وشو يابنيتي !
خلود : الطحين فيه شيء يمشي مدري وشو
الجدة : عسى ماجاءه الدود وريني
خلود : خذي الا يمشي بعد
الجدة : الله يصلح منار هذا وأنا قايلة لها سكري الكيس زين ولاتأخذين والمغرفة فيها وسخ
خلود : منار ذي ماعندها دبره
الجده : دواها عندي شرط أن تترك الطفاقة عنها
الجدة : منار منار منار
منار : وقسماً بالله جايه جايه

مشاري وخالد جهزوا السياره وركبوا الفرش والبساط وعزبة القهوه والشاهي والـأكل
خالد : ودنا نصيد الموسم موسم صيد
مشاري : أيه والله يونس معني ماعرف شيء فيه بس يجوز لي
مشاري : السالفة فيها صيد أجل خويك طلال بيطلع معنا
خالد : والله اني مدري قلت له أمس عن طلعتنا قال انه مشغول مع زواج خاله
بيحاول يخلص شغله وبيجي
مشاري : والله مبطي عنه وعن اخباره
خالد : وين تركي
مشاري : الظاهر أنه بالصالة
خالد : بيروح معنا !
مشاري : ماسألته بس مدري عنه
خالد : وأنت تهتم لـ أحد سافطه على جنب يالله نفسي نفسي
مشاري : يااخي وش تبيني اسوي ان تكلمت معه زعل وان تركته أزعجتونا
خالد : بلا والله من ذا الاسلوب الي عندك ، أبروح أشوفه أنا وركب باقي الأغراض
مشاري : ولاتنسى تتصل على أبوي تشوف متى بيجي من الشركة أخاف ينسى ترى يسويها
خالد : طيب

دخل خالد للبيت ولقى تركي جالس بالصالة
خالد : هلا تركي هاه جهزت ملابسك والا أقول لـ منار تجهزها
تركي : مالي خاطر بالروحة
خالد : وراك ياأخوي الطلعه تغيير جو ومنها نشوف المزرعه مبطين عنها
تركي : المكان مايفرق هنا والا هناك واحد
خالد : وش دعوه تقارن البيت بـ المزرعه لاتسمعك جدتي ثمن تسوي لنا سالفة
، وجلستك بالبيت مالها داعي ،
تركي : ساكت
خالد : بتردني يوم طلبتك !
تركي : أبشر أبروح أجهز ملابسي
خالد لاتجهز ولاشيء أبقول لـ منار تجهز شنطتك
خالد : منار منار
منار : هذا أنا جاية تراكم قلق
خالد : وش عندك مستنزلة علينا
منار : يااخي محد يخليك على راحتك في البيت هذا
خالد : أشوفك عاد مقطعة نفسك
منار : موب شيء جديد التهزيئ هاه وش بغيت
خالد : روحي جهزي شنطة لـ تركي وحطي ملابسة
منار : أقطع نفسي والا أقطع نفسي
خالد : وش فيك
منار : الحين جدتي تبيني من هنا وانت تبيني من هنا وش اسوي بعمري قلي
تركي : ههههههههههههههههههه يازينك وانتِ معصبة
خالد : المشكلة ماسويتي شيء
منار : اقول خلك ساكت لاأهون الحين
خالد : بالله اقول روحي بس جهزيها بسرعة وعطيها مشاري شوفيه برا واذا خلصتِ نادي مشاري
خليه يجي يأخذ عربيه تركي شوفيها بغرفته
تركي : لا هذي أحسن من الي بـ غرفتي
خالد : أبشر أجل أذا جيت تركب نحملها
منار :فيه طلبات ثانيه والا أروح
خالد : لا بس أنتِ تحركي
خالد : بس أنتبهي لاتكسرين أي شي قدامك
منار : تنطنز انت الحين
خالد : ههههههه لا أحاول


***

في الشركةَ وزحمة المراجعينَ والاوراق المتركمة فوق مكتب أبو بدر والاتصالات المتواصلة
أبو بدر: لو سمحت ناد لي طلال
السكرتير : أبشر طال عمرك
أبو بدر : راح أغيب اليومين الجاية أجل المواعيد ورتب الأمور على يوم السبت أن شاء الله
أبكون هنا ، وأذا فيه أمور مهمه أتصل على الجوال بيكون شغل
السكرتير : أن شاء الله طال عمرك
طلال يشتغل مع أبو بدر بـ الشركة بحكم معرفتة لـ خالد ، وأستطاع بمدة قصيرة يثبت وجودة
ويكسب ثقة أبو بدر ، ويعتمد علية بـ الكثير من الأمور ،
أبو بدر : تفضل
طلال : السلام عليكم
أبو بدر : عليكم السلام
طلال : وش علومك طال عمرك
أبو بدر : بخير ياجعلك من أهل الخير
طلال : أمر وش بغيتني فيه
أبو بدر : قالك خالد عن طلعتنا للمزرعة ماودك تخاوينا
طلال : قالي بس ابحاول اجي أن شاء الله تخبر زواج خالي قريب وطلبات الأهل والأرتباطات
بس طلعة مثل هذي ماتتفوت وفيها صيد عز الطلب
أبو بدر : الله يحيك ياوليدي
طلال : الله يسلمك ويبقيك
ويرن جوال أبو بدر : هذا خالد شكلي طولت عليهم
هلا خالد ، لا هذا طالع وجايكم ، يالله فمان الله
أبو بدر : يالله أجل أنا أبروح لـ الأهل تأخرت عليهم ، لاتنسى تمر على المهندس وتخلص
الشغل معه وتشوف المخططات وتراجعها وتتأكد منها ، ومر الموقع الجديد وشفه وحط الدراسة
أذا رجعت أن شاء الله أبـ شوفها
طلال : أبشر أن شاء الله بتصير جاهزه
أبو بدر : يالله أجل نشوفك أن شاء الله فمان الله
طلال : الله معك


***

في منطقةَ تبعد قرابةَ الـ 200 كيلو عن الرياض كانت مزرعةَ أبو بدر
المكانَ يوحيَ بـ الأصالة والنخيل تحيط بـ أسوارها ، والمباني القديمة المجاوره
رائحة الماضي تعج بـ المكان ، وصوت الماء في البئر يصل لـ السمع
كان العشب الأخضر يغطي الجزء الأكبر من المزرعة والجزء الأخر عبارة عن رمال
في قلب المزرعة يوجد بناء خارجة مبني على هيئة بيوت قديمة رغم تؤفر الخدمات به
الأجواااء كانت ساحرة وكافية لـ تجعل النفس تتنفس بعيداً عن ضوضاء المدينة
الجميع كان مبتهج وبشوق لـ تفقد المكان وما أصبح عليه بعد غيابهم عنه لـوقت

أبو بدر : الحمدالله على السلامه يمة
الجدة : الله يسلمك ياوليدي
أبو بدر : ودك تشوفين النخيل والزرع قبل تغيب
الجدة : مقصرة من الطريق أشوفة بكره أن شاء الله
أبو بدر : على خير ، روحي أرتاحي أجل
الجدة : أن شاء الله ياوليدي
الجدة : خلود جيبي سجادتي وشنطتي
خلود : أبشري ياجدتي جاية وراك
خالد : تركي ودك نروح نجلس عند النخل الجو ترى حلو
تركي : اجل خلنا نتقهوه الين يأذن المغرب
خالد : مشاري الحقنا بـ القهوه
مشاري : ايه جايكم شكلي أبنكرف انا من الحين
خالد : خلك تنحف شوي الحركة فيها بركة
مشاري : يااخي هونت ماعاد ابي انحف
خالد : هههههه على كيفك ماينعرف لك أنت
مشاري : ابنزول الأغراض والحقكم

وبداخل البيت القديم كان فيه بـ الوسط ساحة وعلى الأطراف توجد الغرف
مكشوف من الأعلى وبـ اليل يكون المنظر خيالي

منار : الحين وراء الغبار بكل مكان والمطلوب منا ننظف
خلود : اجل نقعد بـ الوسخ
منار : بس كلها يومين ورايحين ليه التعب
خلود : يعني نجلس والحشرات والغبار حولنا ، خلي عنك العجز وأغسلي الأرض
خلينا نحط البساط عليها قبل تخلص جدتي من صلاة المغرب عشان تجلس
منار : وين المكنسة مالقيت شيء بالمطبخ
خلود : شوفيها يمكن بـرا بـ المخزن
منار : متى بيجي عمي عبدالله
خلود : كلمت رغد وقالت بيجون اليل
منار : ياحبي لـ رغد مشتاقة لها والله
خلود : أيه والله من زمان عنها كل ماأتصل عليها أبي أشوفها يكون عمي مشغول أو رايحة لـ خالتها
منار : أجل لازم نرتب الغرفة الثالثة عشان تجلس فيها فشلة تجي وهي حوسة
خلود : خلينا نصلح مكان جدتي وبعدها نسنع الباقي
منار وخلود من يوم وصلوا وهم يشتغلون ويعدلون المكان ، الغبار كان يغطي المكان
لكونة لـ مدة مهجور ، ومايزورونه الا بـ أوقات بعيده أو أوقات إجازه ، على العشاء
أنتهوا من الترتيب وجهزوا القهوه وصلحت خلود معمول مع القهوه
رغد : السلام عليكم
الجدة : عليكم السلام هلا والله ببنيتي الله حيها
رغد بعد ماسلمت على جدتها وحبتها على رأسها : بشريني عنك جدتي
الجدة : بخير من ربي الله لايغير علينا
رغد : أن شاء الله دوم بصحة وعافيه
الجدة : وين عبدالله أجل ماله حس
رغد : عمي والعيال جالسين عند النخل وراح لهم
رغد : أجل وين البنات
الجدة : بالمطبخ غطسوا مدري وش يسوون
رغد : أبروح أسلم عليهم أجل


خلود تجهز الفناجيل والتمر ، ومنار تقطع المعمول وتحطه بـ الصينيه
قطع لحظة الصمت صوت رغد
على نار الصبر قلبي يذوب لشوفت عيونك
يعذبني الصبر لـــكن امني عيوني بالشوفة
كثيرة قلوب عشاقك ولكن قلبي مجنونــــــك
يصيح وتحظنة روحي تقول القاسية ظروفة

رغد : ههههههه ياهلا بـ أحلى بنات عم
منار : بسم الله الرحمن الرحيم هبلتيني يااختي الناس تسلم تمهد الطريق
رغد: الشوق ومايسوي ماترك لي مجال
خلود : ياهلا بـ رغودة خذي بوسة وش اخبارك
رغد : والله تمام بخير من زمان عنكم مشتاقة حدي لكم
خلود : الله يسلمك متى جيتي
رغد : تونا واصلين ولقيت جدتي جالس برا لـ حالها وجيت لكم
منار : للحين وانتِ ماتركتي الرومنسية الي ذابحتك
رغد : لا ولا فيه أمل أخليها
منار : وش أخر جديدك من الخواطر والأشعار
رغد : أوهـ فاتك الكثير منور
منار : لاتقولين عاد قصة حب و أنتهت وانا نايمة بـ العسل
رغد : هههههههههههههه
خلود : ذابحك الحب يامنار
منار : أبشرك ماعرف دروبة بس أحب أتابع القصص واذا على الطبيعه أحلى وأحلى
رغد : ياخوفي تحطين دواوين أذا حبيتي
منار : هههههههههههههههه أخر وحده تسويها أنا ، ماعرف أكتب ولا عمري فكرت
رغد : نشوف أذا ماغيرتي كلامك بكره
خلود : خلونا من الحب وخرابيطه
خلود : خلونا نأخذ القهوه لـ جدتي ، تلقينها تنتظرنا ، منارخذي القهوه لـ رجال وأتصلي على
مشاري يأخذها
رغد : أخذ المعمول هذا
خلود : أيه ولاتنسين السكر عشان نحطه فوقة

الوقت كان يمر بسرعة والجميع مستمتع ، بعد ماحطوا العشاء الجميع راح لـ فراشة
الجلسة في المزرعه تجبرك تنوم بدري ، وتصحى من الصبح على الفجر ، يختلف الوضع هنا عن نظام المدينة
الجدة راحت ونامت من بدري ، وخلود ومنار ورغد جلسوا وبعدها أستأذنوا للنوم لأنه الشغل أتعبهم
، وبقت رغد جلست شوي وبعدها قررت تطلع برا تتمشى شوي بعد ما أخذت غطائها

في الجانب الثاني وفي قسم الرجال كان الجميع نايم الا تركي الي كان جالس على الكرسي
والنوم هاجر عيونه راح يمشي بالكرسي وبصعوبة كان يتحرك لكون الأرض وعره وصعوبة الحركه فيها
والرمل مايساعد على سير عجلات الكرسي مشى شوي وحاول يمشي واندفنت العجلات بالرمل
حاول يسحب ومقدر ، سحب نفسة من الكرسي وحاول ينزل نفسه على الأرض نزل رجل والثانيه
وصار جالس على الرمل ، رفع رأسه لـ سماء وجلس يتأمل النجوم بعد ماأسند يدينه على الرمل للخلف
وبقاء يطالع لـ فوق وكأنه يبي يقول شيء بس لسانة عاجز يتكلم

كانت رغد تمشي بين النخيل ماكانت تبي تبعد لكون الوقت ليل وماتضمن وش يكون فيه
سمعت صوت وكل ماتمشي كان الصوت يكون واضح خافت انه يكون شخص شافها صارت تلتفت يمين ويسار وشافت
من وراء النخل الرجال الي جالس طالعت حولة وشافت الكرسي عرفت انه تركي قربت شوي هو مايشوفها لكونها وراء النخل والمكان ظلام
هي تشوفه وصارت تسمع صوته بوضوح أكثر :

وش عاد باقي يا الليال المقابيل
وش عاد باقي غير حزن وتعاسة
عندي تساوت كفة الصبح والليل
دايم وأنا نفسيتي في انتكاسه
إعاقتي صارت عليّه بهاذيل
محروم حتى من حقوق الدر اسه
محجوز في غرفه عن القال والقيل
وف عيون أبوي أشوف عطف وشراسه
مثل السجين يكبل الباب تكبيل
لا جا ضيوف يشددون الحراسة
ذكي واحلل في أدق التفاصيل
وإعاقتي خلتني أكثر كياسة
مرات من زود العنا والغرابيل
تطيح دمعه رغم قلبي وباسه
ولا مرّ احد مسحّتها بالمناديل
عشان ما يلمح دموع التعاسة

رغد لم تستطيع أن تمنع دموعها أن تسقط ، كانت معانات تركي وصلت لها وأستقرت بداخلها
شعرت بمدى الألم الذي يعيشة بـ اليوم واليلة ، كان صوتة حزين إنسان شامخ ولكنة كسير
ومتألم من الداخل ، كان بداخلها رغبة أن تمسح دموعه أن تحيي الأمل بـ داخله
وبأن تشعره بأن هناك من كان يتلصص وقد إستمع له تريد أن تخبره بأنها لاتشفق عليه
ولا تنظر له بعين الـ العطوف ، وأنما تريد أن تخبرة بأن الأمل بالله لايزال كبير
لما كل هذا اليأس وهذا التشأوم وأيضاً لما كل هذه العزلة وبداخلة إنسان رائع
وشخصية هو من قتلها ولايزال يقتلها بـ خيبتة بـذاته ،
لملمت ماتبقى منها وغادرت المكان ولاتزال صورة تركي عالقه بـداخلها
ذهبت لـ تنام تقلبت بالفراش ولكن النوم لم يطرق بابها فقد كان يشغل كل فكرها
غفت عينها ولم تستيقظ الا على صوت جدتها تنادي لـ تصلي الفجر قامت وغسلت وجهها
ولبست ملابسها وطلعت وكانت الجدة جالسة وخلود ومنار بـ المطبخ يصلحون الفطور
رغد : صبحك الله بالخير ياجدة
الجدة : صبحك الله بالرضا والعافية
رغد : وراكم ماصحيتوني
الجدة : شفناك نايمة ومابغينا نزعجك يمكن مانمتي زين
رغد : ماتعودت على المكان بس النومة حلوه
الجدة : الله يحفظك يابنيتي
رغد : ابروح اساعد البنات بالفطور
الجدة : انا أبروح لـ عيالي ابفطر معهم وقولي لـ خلود لاتنسى الخبيزات تحط عليها سمن
رغد : أن شاء الله ياجده


كان الفطور عباره عن خبز بر وسمن وحليب وشاهي ، الخبز سوتة الجدة وساعدتها خلود
حطوا الفطور لـ الرجال وافطرت الجده معهم ، وافطروا البنات مع بعض
رغد : يازين خبز جدتي من جد ماينشبع منه
خلود : حاولت أضبطه مثل جدتي بس ماش جدتي غير
رغد : تصدقين ماعمري افطرت في بيتنا ابد الفطور هنا له طعم وكل شيء له طعم
منار : صادقة تحسين اذا جلستِ هنا تتأقلمين مع الجو وتصيرين نشيطة بعكس اذا صرنا بالبيت
خلود : ماتنلام جدتي يوم تشتاق لـ أيام أول دامها جربتها وجربت العيشة الجديده
رغد : الله يلوم الي يلومها
منار : وش أخبار النومه رغود عساك نمتِ زين
رغد : حتى النوم له طعم هنا هههههههههه
منار : أنا حطيت رأسي وماعد دريت عن نفسي حسيتني طايحة من جبل
خلود : ماقول خير ماشاء الله وين مانحطك تنومين ولا يهمك
منار : حرام عليك بس عشاني دايخه امس والا أذا أختلف المكان ماأنوم بسهوله
خلود : وش رأيكم بنات نغسل المواعين وبعدها نروح نتمشى شوي برا
منار ورغد : أوك يالله بسرعه



كانت الجدة جالسة وتسولف مع أبو بدر وأبو رغد وكلها حيوية ونشاط ، تحكي لهم عن الماضي
وتسرد عليهم سوالفها القديمه ، مشاري كان يداعبها ويحاول يثيرها بـ كلامه وهي مندمجه وتبادله الضحك
وتركي وخالد يـ سمعون لها بـ إهتمام ويضحكون لـ سوالفها ولـ حماسها ، بعد ماأنتهت
خذت الجدة عصاها وراحت لـ سجداتها بـ بتصلي صلاة الضحى كما عادتها
دوماً ماتلزم الأستغفار وتفتتح يومهاً بـ الدعاء لله بالتوفيق والصلاح ،


* * *

كانوا جالسين ووصل طلال وجلس معهم ، بعد القهوه والشاهي والسوالف، طلع مشاري وخالد وطلال لـ الصيد
تركي ماحب يروح معهم وفضل أنه يجلس بـ المزرعه ،

البنات بعد ماأنتهوا من الشغل طلعوا وراحوا يتمشون حول المزرعه راحوا للنخل
ومروا الزرع والأشجار المزروعه والبذور الموجوده في المكان خذوا بعض الطماط
والبقدونس والبصل الموجود في المزرعه لـ تجهيز الغداء وفضلوا يجالسون بين النخل شوي
المكان جداً رائع والظلال يبعث بالنفس الأرتياح والهدوء ، ورائحة العشب تخترق الأنف
بـ رائحته الزكيه

كان تركي جالس بعيد منهم ، بـ جانب بئر الموية ويتأمل المكان
رغد :وش أخبار تركي ..!
خلود : الحمدالله بخير ، بس مايطلع ودايم بالبيت حابس نفسه
رغد : وليش كل هذا مو هو أخر شخص يبقى مقعد بـ الكرسي ، وين طموحه وحماسة وأندفاعه لـ المستقبل
خلود : ولاشيء كل شيء راح من يوم راحت رجوله وصار مايمشي
رغد : حرام كذا يذبح كل شيء حلو بداخله وبيده
خلود : عجزت معه وانا أحاول ، مابي أضغط عليه وبنفس الوقت متعبني حاله
منار : خلوه على راحته اكيد يوم بيستوعب وبيحس بنفسه للحين بصدمة ترى الي صار مو شويه
رغد : أدري مو سهل وصعب أنك بيوم وليلة تصير مقعد بس قضاء وقدر ومو معناتها نستسلم
لو كان إنسان عادي يمكن أتقبل لكن تركي طموح ومتفوق ليش يندفن كل شيء فيه
خلود :دايم يكسر خاطري بس مااحاول أبين له لان الشيء هذا يضايقة أكثر مايبي شفقه أو رحمه من أحد
ونظرات الناس دايم توجعه ، رغم أنه يتظاهر بـ غير مابداخله بس عيونه تفضحه
رغد : بقت ساكته وسرحت بعيد لـ موقف تركي أمس ومنظرة وهو جالس فوق الرمل
الصورة عالقه بـ داخلها وماتبي تروح من بالها ، ماتدري شفقه أو رحمة الشعور الي بداخلها مايكون !
خلود : وين وصلتِ رغود
رغد : هاه لا هنا
منار : أجل طلال ومشاري وخالد طلعوا للصيد الي يشوفهم الحين يقول بيجيبون شيء يستاهل غزال
أشوى أنه كـ العادة بيجيبون ضب ميت والا جربوع دايخ
خلود ورغد : هههههههههههههههههههه تخصص تحطيم أنتِ
منار : لا والله تشوفين وش يجيبون هذا الي دايم يصير خبز يدي أخواني
خلود : خلونا نرجع يمكن جدتي تدورنا الحين
يالله مشينا ...

***

وفي السيارة وبطريقهم لـ منطقة الصيد ، الي تعودوا يكثر فيها صيد الطيور
طلال : وش أخبارك يامشاري مبطي عنك وعن علومك !
مشاري : والله الحمدالله ماشي الحال الدراسة ذبحتني والمخططات قلبت رأسي
مدري وش قرداني وخلني أدخل هـ القسم
طلال : بلعكس وأنا أخوك ترى تخصصك حلو ويالله عقبال ماتتخرج وتشتغل مع الوالد
مشاري : هذا البلاء ان الوظيفه تنتظرني
طلال : أحد يعاف الوظيفة غيرك يدورها ومالقاها
مشاري : لو شيء أحبه ماشي لكن مااقول غير الله يعين
مشاري : وش أحوالك مع الشركة والشغل مع الوالد !
طلال : والله مايقصر معي ، ومرتاح ولله الحمد
طلال : خالد وين وصلت !
خالد : هلا قريب ، شكل الصيد لك عليه ماشفت شيء
طلال : الله يجيب خير ،
طلال : الا أنت ناوي أن شاء الله تجي للشركة مع الوالد مابقى شيء على تخرجك
خالد : خله على الله ، مدري وشلون أبقول لـ أبوي ، بدر وتعب أبوي وهو يحاول فيه وراكب رأسه
ويبي يكمل دراستة برا ، وأجي أنا أقول مابي صعبة ياأخوك وبيزعل الوالد ومدري وش اسوي
مشاري : أذا صرت ماودك فهمه وقلة ليش تغصب نفسك على شيء ماتبينة
خالد : تعرف أبوي رجال كبير ، والشركة أتعبته أكثر ويبي أحد يساعده ويشيل الحمل عنه
مشاري : أنتظروني الين أخلص وتشوفون العلوم
طلال : ههههههههه ياخوفي تجيب العيد
مشاري : هههههههههه ماأضمن نفسي ترى أسويها
خالد : أذا تخرجت يحلها ربك ويكتب الي فيه الخير
طلال : الله يعين ،
مشاري : شف الطير الي فوق وقف خلنا نصيد
خالد : لاتنخرش ويروح أركد ، وطلع عدة الصيد


***


على المغرب جاء بدر والعنود و( مشعل ) كان بدر مشغولة بـ الترتيب لـ السفر وجاي عشان
يفاتح الوالد في سالفه سفره ويبلغة ، كانت توقعاته أنه بيزعل لكن هذا الحل الوحيد عشان يكمل طموحه بـ الدراسة

بدركان مايدري وشلون يفتح السالفه ويقول لهم الخبر ، ومايدري وش ردة الفعل
بقى ساكت وبعدها قرر يفتح الموضوع ،
بدر : تخبر يبة من زمان وأنا ودي بالسفر برا وتكملة الدراسة بس ماكتب ربي
لقيت لي واحد من أخوياي بـ أيام الدراسة ، ورتب لي أمور السفر وجهز أموري
وأن شاء الله على الأسبوع الجاي بتكون الرحلة
خالد : أجل خلاص نويت بالسفره ، على وين بتكون !
بدر : تخبر تخصص هندسة قيمية معتمد في الولايات المتحدة بتكون الرحلة لهناك أن شاء الله
والغالب بـولاية نيويورك
مشاري : من قدك بتشوف العالم ، موفق ياأخوي
بدر : الله يسهلها ، كان ينتظر شيء من أبو بدر لكن أبو بدر كان ساكت
تركي : لا تقطع عاد وأتصل فينا وطمنا عنك وعن أخبارك
بدر : اكيد أنتم الخير والبركة ماعاش الي ينسى أهله وربعة
خالد : أن مشعل ومشعل بيروحون معك والا !
بدر : أيه أن شاء الله
بدر : يبة ماسمعت رأيك ، وأكيد ماني برايح الا بموافقك ورضاك عني
أبو بدر : تعرف رأيي بالموضوع ياولدي
بدر : من زمان وانا طموحي أكمل دراستي وبأذن الله أخذ الشهادة وأرفع رأسك
وأبشر أذا رجعت أنا الي أبطلب منك توظفني عندك
أبو بدر : الله يوفقك ياولدي ويسهل دربك
بدر : الله لايخليني من دعواتك يالغالي

أبو بدر كان معارض فكرة السفر للخارج وتكملة الدراسة لكن مع الحاح بدر وتصميمه
على مواصلة الدراسة ، قرر مايوقف بطريقة ويتركه يكمل طريقة ،

وعند الجدة ( نورة ) ورغد وخلود ومنار الي كانوا جالسين
رغد : مطولين بـ أمريكا يالعنود !
العنود : والله مدري على كلام بدر يقول كلها سنتين او ثلاث
رغد : الله يوفقكم
خلود : والله بنشتاق لك يالعنود بنجلس سنين مانشوفك
العنود : لا ان شاء الله اكيد بنجي في الأعياد والأجازات تبون الفكة منا
خلود : لا والله نبي شوفتكم ،
منار : لاتكفون ( مشعل ) وشلون ماأشوفه
العنود : خليه يرتاح شوي منك ومن ضربك له
منار : حرام عليك وقسماُ مدري وشلون أبتحمل فراقة ،
العنود : الله يعينا على فراقكم ماني متخيلة أبد أني أبقدر أعيش هناك وأنا ماأعرف أحد
الجدة : لا أوصيك يابنيتي أنتبهي لـ بدر ولـ مشعل ، وتؤكلي الله كلها أيام وأن شاء الله ترجعون بالسلامة
العنود : في عيوني يالغاليه ، والله ياأنا أبولة لـ سوالفك
الجدة : الله يوفقكم يابنيتي
العنود : أبشتاق لكم ( ودمعة عينها )
منار : لا تكفين يالعنود تراني من اليوم وانا أجاهد عشان لاأصيح
رغد " هههههههههههههه ياحليلك يامنار صيحي وش رادك
منار : مدري يمكن مستحية ههههههههههه
خلود : تحملي يالعنود ، والاتصال بيكون أن شاء الله بينا ، أخاف تنسينا بس
العنود : ماعاش من ينسى أهله وناسة ، بتكون بالبال دوم
منار : متى بتكون الرحلة !
العنود : الـأسبوع الجاي يقول بدر أن شاء الله بنكون عندكم قبل نروح
على خير أن شاء الله ..

***

رغد : يالله الوالد ينتظرني بـ السيارة
منار : بتوحشينا رغودة
رغد : وأنتوا أكثر والله لاتقطعون عاد
خلود : والله متى مافضيتي تعال ترى ماعندنا شيء
رغد : أبشري ، بس تخبرين أحيان الوالد يصير مشغول ويوديني لـ أهل أمي وخالاتي
خلود : واحنا مالنا بالطيب نصيب
رغد : أنتم الخير كله ، أخاف تملون مني أذا طيحت عندكم
خلود : أحد يمل من رغودة ماعنده ذوق
رغد وهي مستحية : الله يسلمك خلود
يالله أشوفكم على خير ، راحت لـ جدتها وودعتها وطلعت ،

رغد هي البنت الوحيده لـ العم ( عبدالله ) والدتها متوفية وهي صغيرهـ ومارضى عبدالله يتزوج
بعد وفاتها ، تربت بـ البداية عند أخوالها وماحب يأخذها تقديراً لـ أم رغد المتوفيه ، وبعد ماكبرت
جابها وعاشت عندهـ ، كانت رغد فيها الكثير من والدتها ولـ حبه لـ أم رغد كان يحب بنته ويدللها
ويشوف أم رغد في رغد ، رغد متعلقة في أبوها لـ أبعد حد هو الي بقى لها بـ هالدنيا من بعد والدتها


بعد يومين قضوها عائلة أبو بدر في المزرعه وبعد صلاة العصر كانوا راجعين لـ الرياض
أستمتعتوا بالوقت في المزرعه وكان اليوم جمعه وبكرة دوام لازم يرجعون بدري عشان يتجهزون


***


في بيت أبو محمد
الهنوف : الا يمة وش أخبار أبوي ماعاد له طاري
أم محمد : خبري فيه يوم يتصل فيني ، يومني عند بيت أبو بدر وماعاد له خبر
الهنوف : تزوج ثانيه والا وش السالفه
أم محمد : الظاهر أنه ماأخذ مصرية والحين بـ مصر
نوف : والله انك طيبة يمة ومخليته وعادي عندك
أم محمد : مانيب رداته دامه يبي ، ولا هو مأخذ بكلامي ، الحمدالله جالسة مع عيالي ومرتاحة
متى ماربي هداها يجي
الهنوف : والله اني مشتاقة له ، ليه هو مايشتاق لنا !
أم محمد وبحزن : الا يابنيتي بس أكيد شيء يمنعه
أم محمد : وين فيصل ماشفتة اليوم !
الهنوف : نايم متأخر الصبح جالس على النت كـ العادة وقام من شوي وجلس ثانية عليه
أم محمد : وش يجلس يسوي ذا الولد ذا الأوقات على الجهاز
نوف : سوالف ومنتديات ويستخدمة في البحوث المطلوبة منه لـ الجامعه
أم محمد : الله يوفقه
الهنوف : أبروح أشوف وش عنده

راحت الهنوف لـ فيصل الي كان جالس بغرفتة وكان النت
الهنوف : هلا فصولي
فيصل : على ببعد قلبي الهنوف
الهنوف : لو أني بعد قلبك جيت تسأل وش أخبار ووشلون أختي
فيصل : مابغيت أشغلك عن الدراسة يالله الله الله بالنسبة الي ترفع الرأس
الهنوف : أبشر فيها وأنا الهنوف
فيصل : قدها وقدود والله
الهنوف : وش جالس تسوي للحين وانت بـ هذا المنتدى
فيصل : أيه والله الأعضاء عاجبيني والمكان أحبة
الهنوف : مدري وشلون تجلس على النت أطفش انا منه وأقفل على طول
فيصل : عاد لو تجلسين عليه بيعجبك وبلتقين كل شيء فيه يجي على بالك
الهنوف : وش أخر القصايد الي نزلتها بالمنتدى
فيصل : ودك تسمعينها مني والا تقرين
الهنوف : لاتكفى لاتقولها خلقه صوتك شاق طبلتي
فيصل : ههههههههههههههههههه افا
الهنوف : ايه والله وريني أياها وأبشوف تعليق الـأعضاء
فيصل: لحظة أطلعها

على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني

تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني

لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني

صدفتك معجبه فيني وياليت..الغرام : اعجاب
وتراك انتي الهنوف اللي هقيتك تستحقيني

عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني

أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني

رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني

تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني

تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني

وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني

ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني

أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني

زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني

غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني

إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني

أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني

سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني

عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني

وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني

وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني

ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني

أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني

ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني
ما دام أن كل من يحيا على وجه التراب تراب


الهنوف : وااااااو شيء الكلمات ، والله تجنن فيصل يكفي أسمي فيها
فيصل : ههههههههههههه ماعليك زود قلت حبيبتي الهنوف لازم أجيب طاريها
الهنوف : هههههههه أيه هين ، وكيف الأعضاء عجبتهم
فيصل : شوفي هذي الردود
الهنوف : ههههههههههههههههه وش تبي ذا الخبلة
فيصل : هههههه مين الجوري
الهنوف : ايه وراه مطفوقة هي كذا على طول
فيصل : أيه دايم ردودها وسيعة صدر وفله ، موسعه صدرها على الـأخر
الهنوف :بس موب مكان تضحك فيه هنا قصيدة وترد وخلصنا
فيصل : هي كذا دايم تستهبل في المنتدى والكل عرفها
الهنوف : تحفة صراحة ردها عليك هههههههه
فيصل : هههههههههههه تعود على ردودها ، بس جد دايم اذا ضاق صدري جلست أقرأ ردودها
ولا شعورياً أضحك من خفة دمها ..
الهنوف : أذا هي كذا دايم معك حق تضحك هههههه
الهنوف : بعذرك ماتحس بالوقت نسيت نفسي وانا عندك أمي تقول خليه يجي بتحط العشاء
فيصل : أوك أبقفل الجهاز وجاي وراك



***


لم أعود لـ أقرأ ماكتبت قد يكون بها أخطاء فـ أعتذر لكم مسبقاً
أمنياتي بأن تطيب لكم الأوقات
وحتماً لـ كم منتظر

يسلموووووووو

انتظر البارت الجاي

الجزء الرابع


|||| بعض الدموع محرقة لـ أجفاني ||||


اليلة ليلةَ الأحد موعد رحلة بدر لـ أمريكا ، رتب أمورهـ وجهز الأغراض وراحت العنود ومشعل
لـ أهل العنود وودعتهم كان فراق أهلها شيء مو سهل عليها وشيء ماتعودت عليه لكن قسمة ربي والنصيب
بعد ماطلعوا من بيت أهل العنود وبعد وداع حار من أهلها ودموع الأفتقاد التي أنسكبت لـ تلغي كل الكلمات
راحوا بعد كذا لـ بيت أبو بدر لـ وداعهم كان الكل منتظرهم والبيت هدوءء بعكس ماكان دائماً يبدُ عليه
دخل بدر ومعه العنود ومشعل
بدر : مساكم الله بالخير
الجميع : مساك الله بالخير
خلود : تعالي يـ العنود للمقلط
راحت العنود معها ، وقامت منار وراهم
العنود كان شكلها واضح عليه التعب ، وعيونها الي مليانه دموع ونظرة الأنسان الي مغلوب على أمرة
خلود كانت تبي تتكلم بس ماتدري وش تقول لان أقل كلمة ممكن تخليها تنفجر من الصياح
جات منار وجلست حست ان الجو صمت
منار : وش أخبار أهلك عساهم بخير
العنود : الحمدالله طيبين بس أمي قطع قلبي صياحها
منار : كلميها وطمني قلبها أذا وصلتِ أكيد بتكون تنتظرك
العنود : أكيد أن شاء الله
ولمحت دموع العنود بدت تنزل ، خلود ماأستحملت وصارت تصيح وحضنتها
منار كانت تطالعهم والدمعة بعينها تبي تقوم وتحضن العنود بخاطرها تقول
والله اني أبشتاق لك يالعنود وأبفقدك ، تعودت عليك وعلى وجودك حولي
والا مشعل حبيبي عمته ، بس ماكانت تبي تزيد الوجع على العنود تبي تبين
لها أنها متماسكة لـ أخر لحظة ،
جاء مشعل من الصالة لهم ووقف عند الباب يطالع بـ أمه وبخلود وهم يصيحون
انتبهت له منار راحت له وقربت منه وصارت تطالع فيه وهو يطالع مايدري وش فيهم
منار : مشعل تدرين أني أبشتاق لك ، تعرف أني دايم أوله عليك وأنتظرك جيتكم
لنا عشان أبوسك والعب معك ، مشعل أحبك وأحب طفولتك ـأحب شقاوتك
وشلون أبصبر على بعادك الأيام وشلون طعمها وانت بعيد عن عيون عمتك
تفهمني أنت صح وتحسن فيني ، وبتفقدني !
مشعل صورتك دايم بغرفتي وبتكون جنبي دايم بـ سريري قبل أنام أببوسك وتكون أخر شيء أشوفة
مشعل تعال أجلس بحضني أبي أشبع منك قبل تروح مني .. مسكت مشعل وحضنته وصارت تصيح
وتصيح بصوت عالي .. مشعل ماكان فاهم الي يصير حولة مستغرب هي ليش تصيح !
ووش جالسة تقول له ! يوم شافها تصيح وتصيح وتحضنه بقوه صار يصيح معها
شاف دموعها وحالتها وصار يصيح ، العنود وخلود حاولوا يسكتونها ويأخذون منها مشعل
بس مارضت بقت حاضنتة وتصيح ، صحيح منار مرحة وتضحك لكن حزنها قوي
وكأنه ضحكها تعوضة بـ حزن عميق ،
العنود ماتحملت تشوف منار وهي بـ الحالة هذي لبست عبايتها وطلعت هي وخلود وتركوا منار على راحته
مابغوا يأخذون منها مشعل وهي متعلقه فيه ،
راحوا لـ الصاله سلمت على أبو بدر وعلى الجدة نوره وسلم بدر على جدتة وسمع نصايحها
وخذ بخاطره أبوه وودعه ، ودع تركي بعد ماوصاه ينتبه لنفسة ، ووعدهم بـ الأتصال فيهم أذا وصل ومايقطع ويخبرهم عن أخباره دوم
منار كانت ماسكة مشعل وحاضنته بقوه وجالسة تطالع فيه والدموع على خدة ..
دخل خالد وشافها بـ المنظر الي هي عليه وجعه قلبه عليها ، رحمها وبنفس الوقت لازم يأخذ مشعل
لان مابقى شيء على الرحلة ، خالد : يالله مشعل تعال بابا بيروح
منار : لا لايروح أبيه عندي
خالد : منار تعوذي من الشيطان مابقى شيء على الطياره يالله يلحقون
منار : وش فيكم أنتم هذا مشعل مو أي أحد ليه تبون تأخذونه مني
خالد : بيرجع لك أن شاء الله كلها مده وهو جاي
منار : مدري ليه حاسة أني ماراح اشوفك بعد اليوم ، ليش أنا قلبي يقول لي هذي أخرمره أحضنك فيها
وأني ماراح العب معك وأضربك وأبوسك
خالد : وش هالكلام يامنار الشيطان يقول لك كذا ويدخل ذا الأفكار برأسك أستهدي بـ الله
منار : مشعل عطني بوسة هنا وصارت تاأشر على خدها وخدها الثاني وعلى رأسها وهنا فمها
مشعل وبوسني هنا بعيني وعيني الثانيه مشعل عادي بوسني حتى لو فيها سعابيل منك عادي عادي ماراح
أقول ليش مثل كل مره عادي عادي ياقلب عمتك
خالد صار يطالع فيها ومايدري وش يقول كان كلامها كله من قلب أول مره يشوف منار بـ ال حاله هذي
غير يوم وفاة [ أم بدر ]
دخل بدر وش منار وهي تصيح وحاضنة مشعل وتبوس فيه قرب منها
بدر : ماتبين تودعيني يامنار والا أروح !
منار رفعت رأسها وشافت بدر واقف قريب منها تركت مشعل ووقفت قربت من بدر
وحضنته وصارت تصيح بـ حرارة أنسان يعاتب محب ويلومة على البعد كانت ساكتة
لكن دموعها تحكي وتترجم الي هي تبي تقولة وتوصلة لـ بدر .
تركها بدر بحضنها الين ماخف بكائها ،
بدر : يالله أنتبهي على نفسك منار ولاتقطعين كلميني كل ماأشتقتِ
وأبشوفك أن شاء الله على الماسنجر ونتوصل عليه بعد منها وعطاها بوسه على خدها وهي ساكتة
بدر : يالله أشوفك على خير منور
بعد عنها وسلم على خالد وودعه وقرب بيأخذ مشعل من عندها ورجعت بـ تمكسة وهي تصيح
لكن خالد مسكها وترك مشعل يروح جلست تطالع فيه وهو يروح عنها وهي تصيح
خذها خالد بحضنة وهي تصيح وتشهق من كثر الصياح صارت تحضنة بقوه هو يحس أنها
تضغط عليه وبقوه لكن تركها وهو ساكت وصار يمسح على شعرها ، كان باين عليها التعب
خالد : روحي لـغرفتك ترتاحين شكلك تعبانه حيل
مسكها وسندها مع ظهرها بيده وخذها وودها لـ غرفتها ترتاح ،
مشاري راح مع بدر يوصلة لـ المطار كان خالد ناوي يروح معه لكن يوم شاف موقف منار جلس وترك مشاري يروح لحالة
وصل مشاري بدر للمطار بعد ماودعه وودع مشعل وراح ،
كان بيت أبو بدر اليلة هدوءء على غير ماكانوا علية ليلة الأمس
سوى من صوت المذياع على أذاعه القرآن الذي كان يصدع بـ بعض الآيات
الي كان مصدره غرفة الجدة ،


***

في بيت أبو محمد وبالصالة كانوا يتناولون الغداء
أم محمد : ماسلمتم على بدر أمس قبل يسافر !
محمد : الا شفته بـ صلاة العشاء معنا بـ المسجد وسلمت عليه الله يسهل أمره
أم محمد : الله يوفقة ، يستاهل الخير
نوف : مانروح اليوم لهم نسلم عليهم !
أم محمد : لا وش يودينا أكيد أنهم تعبانين وضايقة صدروهم من بعد بدر خليها بعد كم يوم نروح أن شاء الله نتطمن
نوف وهي تحس بـ خيبة : على أمرك يمة
أم محمد : الهنوف يمة وراك ماتأكلين !
الهنوف : مالي نفس والله يمة أبد
أم محمد : وراه ياكافي لازم تأكلين يابنيتي مانتي مركزه بالمذاكرة كذا
الهنوف : الله يعيدها على خير ماعاد لي نفس لشيء والله
محمد : مو للدرجة هذي ياقلبي يالهنوف تراها أختبارات وأنتِ قدها وقدود
فيصل : أجل وش بتسوين أذا جاء عرسك تختفين
الهنوف : والله مو بهواي غصب عني
محمد : طيب وأذا قلت أبعشيك من هرفي وش بتقولين !
الهنوف : لا عاد هرفي شيء ثاني
فيصل : والله أنك نصابة أجل أحد يعاف أكل أم محمد الغالية ويأكل من مطعم
الهنوف : هذا عشقي الأبدي أقدر هالمطعم
محمد : عليك بالعافيه اليلة عشاك عندي
فيصل : ونحن
محمد : وأنتم ههههههههههههههه
نوف : من قدك هنوفة عندك أحد يدلعك لو تبين لبن العصفور جابة لك لنا الله بس
محمد : هذي الهنوف حبيبتي الله الله عاد أرفعي رأسي خليني أفتخر فيك
الهنوف : أبشر بعزك ياأخوي
محمد : يالله أنا أبروح أريح شوي ووراي أوراق لازم أجهزها للطالبات لـ الأختبارات النهائية
أم محمد : الله يوفقك ياوليدي
الهنوف : بعد أنا أبروح أكمل المذاكرة مابعد خلصت من المادة الي علي السبت باقي لي كثير
دعواتك يمة
أم محمد : الله يوفقك يابنيتي ويكتب لك الخير وينجحك يـارب
الهنوف بعد ماطبعت بوسة على رأس أمها : الله يسمع منك يالغالية
فيصل : يالله وأنا أبروح لغرفتي أرتاح بعد
نوف : قصدك تقابل الجهاز
فيصل : ههههههههههه وش دراك
نوف : كالعادة ماجبت شيء جديد
فيصل : ولاتزعلين أبقابل لجهاز بس مو لعب وراي أشياء لازم أخلصها عشان البحث تخبرين الأختبارات قربت ولازم أسلمه
نوف : موفق أجل
فيصل : واياك




***

وبـداخل الجامعة وفي مبنى اللغة العربية وتحديداً بـ قاعه 212
محمد : راح توزع عليكم المشرفة الأوراق الأسئلة سهله بأذن الله والي مذاكرة راح تلمس الشيء هذا
وراح يوضح الي مذاكرة المادة زين أو بـ أستهتار ، دعواتي لكم بـ التوفيق وأن شاء الله مايكون عندي رسوب بـ المادة
وأي أستفسار قبل نقفل السماعة !
المشرفة : دكتور محمد
محمد : أهلاً
المشرفة : عندي طالبة من الطالبات صار عندها لبس وذاكرت مادة غير مادة أختبار اليوم
والحين هي متوتره وماأدري أيش اسوي معها أعطيها وقت زيادة والا وشلون
محمد : والله مشكلة ليش مايركزون بالجداول قبل لكن مو مشكلة عطيها وقت أضافي قبل تسلمينها الورقة
تسترجع فيه المعلومات ، وش أسم الطالبة عشان أحاول أساعدها بالي أقدر عليه !
المشرفة : أشواق الــ . . . ...
محمد يسترجع الأسم في ذاكرته ، هي نفسها الطالبة الي دايم تشارك معه ، وتناقشة ، وتستفسر ،
وهي نفسها الي طلبت منه يعطيها وقت لـ تسليم البحث
محمد : أشواق ماشاء الله هي دايم متابعه معي بـ المحاضرات عطيها وقت وبتقدر تسترجع اذا هي مركزة طول الفصل
المشرفة : حاضر يادكتور
محمد : في أستفسار أو سؤال
المشرفة : لاشكراً دكتور الأسئلة واضحة
محمد : العفو


جلس يدور ببالة ليش هي الطالبة الوحيدة الي تترك موقف دايم ببالي ، هي الوحيدة الي تناقش
وتعترض على قرارتي وتحاول تقنعني ودايم تنتصر بـ الأغلب ، وبكل محاضرة أسمع صوتها
والمحاضرة الي يعم فيها الهدوءء بدون مداخلات واذا سئلت يكون السبب انها لم تحضر !
لملم محمد أوراق الطالبات ووضعها بـ ظرف وغادر للمنزل أستقبلته أم محمد
وبعد الغداء وقيلولة لـ يأخذ قسط من الراحة ،
نزل تحت للصالة وكانت موجودة نوف وتطالع التلفزيون
محمد : مساء الخير
نوف : هلا مساء النور والسرور
محمد : وين الأخوان ماشوف لهم صوت
نوف : الهنوف تذاكر وفيصل بغرفته وأمي منسدحة في غرفتها
محمد : وش أخبار أختبار الهنوف اليوم !
نوف : تقول زين بس عندها مادة صعبة بكرة وضايق صدرها
محمد : الله يوفقها ، أبمرها أجل أشوف وش أحوالها ، صبي لي كأس شاهي من الي بالترمس
أبي أروق وأنا أصحح أوراق البنات
نوف : الله يعينك من جد قلق التصحيح
محمد : أجل أنتِ متى أختبارك
نوف : مو كل يوم عندي أختبار بينهم أيام راحة ، زين جدولي هالترم
محمد : الله يسهلها ويوفقك
نوف : واياك ، خذ الشاي
محمد : سلمت يالله أجل أبروح أصلح شغلي
نوف : موفق
راح محمد لـ غرفتة وقبل مر على الهنوف كانت بغرفتها وتذاكر ومتحمسة
الأغراض مكركبة وبكل مكان ، وماهي بعادة الهنوف تكون حوسة وبدون ترتيب
والملابس مبعثرة بدون تصفيف ، والهنوف ببجامة أحمر بـ ورود أبيض وشعرها مرفوع لفوق
وبشكل عشوائي وبدون تصفيف جالسة فوق السرير والكتاب على رجلها ومتقوقعه ومنهمكة
تقرأ وماهي بحاسة بالي حولها ،
محمد : نحن هنا ممكن نتفضل
الهنوف : هلا والله اكيد تتفضل
محمد : وش هالحالة ماصارت أختبارات يابنتي كاني بغرفة عزوبي مو الهنوف
الهنوف : هههههههههههه العزوبي يمكن أرحم مني شوي
محمد : موب شوي الا كثير هههههههههههههه
الهنوف : هههههههههههههههههه
محمد : وش أخبار الأختبار اليوم
الهنوف : لازينة الأسئلة مره والحمدالله كانت سهله
محمد : زين الله يوفقك أجل
الهنوف : الله يسمع منك دعواتك لبكره
محمد : فالك التوفيق أن شاء الله ، ماودك تشربين شاهي عشان يتفتح عقلك شوي
ترى شاهي أم محمد مايتفوت
الهنوف : الا والله جاء بوقته أبروح أخذ لي شوي ، بريك وأبرجع أكمل
محمد : يالله أجل أبروح أنا
الهنوف : موفق حمود

محمد جلس على المكتب وحط الكوب فوق الطاولة وأحضر الظرف وطلع الأوراق وبدا يصحح الأوراق
صحح أول ورقتين ولما مسك الثالثة تذكر الطالبة الي كانت مذاكرة مادة ثانيه أشواااق !
دفعها الحماس وربما شيء أخر أني يتجاوز كل الأوراق لـ يبحث عن ورقتها أولاً
قد يكون حب أطلاع ، أو شغف ، وربما معرفة !
وبعد بعثرة بـ الأوراق والأسماء وقعت عينها على ورقتها ، خذها وصار يقرأ الأسئلة والأجابات
كانت أجوبتها بعيده عن النص المدرج بـ المقرر ولكنها منطقية وتدل على أنها كتبت لـ أستياعب وفهم
وليس حفظاً وفقط لتفرغ على الورق ! وحينما وصل لـذيل الورقة راء بالنهاية وقفة كان نصها :
لم أذاكر المادة كما فعلن الأخريات ربما حرصي الزائد قد خانني ، لذلك أعتمدت فقط على أنصاتي
بوقت المحاضرات وكتبت ماأتذكر منه ، لاأطلب منك مساعدتي بما لاأستحق ، ولكن أتمن مراعاتي وحسب
أن شئت تجاهل وقفتي وكأنها لم تكن ، ولي الأمانة صدقاً ماحدث معي ، طالبتك !

توقف محمد وترك الورقه ورمى بـ القلم فوق الطاولة !
إنسانة ذكية حقاً وتستحق الأحترام فكراً وعقلاً وأيضاً قلماً
مالحكاية يـ أشواق ! لاأعلم أهي الأقدار تضعكِ دوماً بطريقي وتحدث المواقف معكِ وتجمعنيِ
بكِ بـ حادثة ، أم قصداً ، أم مجرد خيالات ، أم ماذا !
دون الدرجة التي تستحقها دون تحيز أو تلطف منه وكانت بـ الكشف 65 من 70 !




***


خالد : مساء الخير والأحساس والطيبة ، مساء مافيه أحلى وأرق غيره
الجدة : ياهلا بوليدي
خالد : ياهلا بجدتي الغالية ياهلا ببعد الدنيا
مشاري : هههههههههههههه وش عنده أبو الشباب غزل بـ هالظهرية
خالد : وش يخصك أنت جدتي وأقول الي أبي
الجدة : وش بلاك عليه خلة يقول الي عنده
مشاري : ههههههههه عشانة يغازلك تقولين خلة لكن لو انه احد غيرك كان تغير الكلام
منار : ههههههههههههههههه ماتخلي احد بحالة ، لا جد وش عندك خلود مروق بـ عز القايلة
العادة تجينا مطنقر ونفسك خايسة
مشاري : وانتِ الصادقة مخنفس والي بيكلمة خطر يشوتة
خالد : الله الله لهدرجة انا شرير يعني
مشاري : وأكثر أخلص هات وش عندك
خالد : أبد اليوم أخر يوم لي أختبار والأختبار تمام والنفس زينة
الجدة : الله يوفقك ياوليدي وينجحك
خالد : ايه كثري من هالدعوات يالغالية الله لايخلينا منك
مشاري : طيب وحنا وش لنا
منار : أيه صدق دام النفس اليوم طيبة من بعد النفسية الزفت الي مرين فيها طول وقت الأختبارات منك
وش بتعطينا من مكافأه يوم نتحملك
مشاري : ههههههههههههههههه أشك أنه بيعطيك كف الحين
خالد : كم عندي من منار وحدة بس أنتِ تطلبين عيوني ماتغلى عليك
منار : الله الله الله لا ماصدق هذا خالد والا أنا أحلم
مشاري : هههههههههههههههه يابعد قلبي يـاوخيتي ماعمرها شافت شيء سنع
خالد : ههههههههههههه لا بعلم
منار : مشاري خلك ساكت بس ، وش رايك تعشينا اليلة على حسابك وأبدعي لك بـ النتيجة وعد
خالد : دام فيها وعد أبشري وعشاكم اليلة علي
منار : وناسة ياليت كل يوم أخر يوم أختبارات
مشاري :ههههههههههههههههههههههههههه اجل تترقبين اعشيك اذا خلصت من الأختبارات
منار : لاهين أنت قاطعو الرجاء منك مافيك رجاء
خالد : ههههههههههههههههه
مشاري : ههههههههه زين أنك عارفك
خالد : وين تركي !
منار : برا جالس بـ الحديقة
خالد : وش يسوي بالحر
منار : لا وأبشرك يشرب قهوه تخيل !
خالد : أبروح أشوفة ، وأبلغه بـ العشاء ترى مو كل يوم تتعشون على حسابي
منار : وخلة يدخل ترى الجو حار
خالد : أبشري



***

في بيت العم عبدالله [ أبو رغد ]

عبدالله : رغد
رغد وهي طالعة من المطبخ : سم يبة
عبدالله : وش تسوين يابنيتي
رغد : أطبخ لك أحلى عشاء
عبدالله : تسلم لي هاليدين مانعدمها
رغد : الله يخليك يبة ، شوي وأبحط لك العشاء
عبدالله : أجل أبغير ثوبي وأبجيك
رغد : بيكون جاهز أن شاء الله ..

وعلى السفره عبدالله : تسلم اليدين يابنيتي ماينشبع من أكلك
رغد : تسلم يبة ، عسى غطيت على أم رغد بـ الطبخ
عبدالله وهو يتذكر أم رغد : الا والله يابنيتي فيك شبة من الوالدة حتى بالطيخ
رغد : الله يرحمها ويغفر لها
عبدالله : آآمين
عبدالله : بكره عندي سفرة أبقضي أشغال يومين أو ثلاث أيام الكثير
وأبيك تروحين تجلسين عند أخوالك وجدتك الين أرجع
رغد : يبة خلود بنتي عمي دايم تطلبني أجي عندهم وأتعذر منها ، ودي أروح هالمره عند عمي
أبو بدر ومنها أشوف جدتي من زمان ماشفتها ولاسمعت أخبارها
عبدالله : الي يريحك يابنيتي وأبصير متطمن عليك عند أمي
رغد : أجل أبروح لهم أن شاء الله ، وأبتصل في خلود أعطيها خبر
عبدالله : خليك جاهزه أجل يابنيتي ، على المغرب أوديك لهم
رغد : أبشر يبة

بعد العشاء وبعد ماراح أبو رغد ينوم طلعت رغد لـ غرفتها وخذت الجوال بتتصل على خلود تبلغها
رغد : السلام عليكم
خلود : هلا هلا بـ الصوت وراعيته عليكم السلام
رغد : وشلونك
خلود : بخير نسأل عنك
رغد : تمام الحمدالله
خلود : دوم الخير أن شاء الله ، وش ذكرك فينا العادة ماتفكرين فينا
رغد : حرام عليك دايم على بالي ، هذا وأنا جايبة لك مفاجأه
خلود : لاتقولين أنخطبتي !
رغد : هههههههههههههه أنتقلت لك عدوى مشاري والعرس
خلود : هههههههه من جد ذا الولد بيخبل فيني هو وسوالفة ، وش المفاجأه
رغد : الوالد بيروح سفرة عمل يومين أو ثلاثة وقررت أجي عندكم
خلود : ياهلا والله فيك أذا ماشالك البيت تشيلك عيونا ، بتنورينا رغودة
رغد : تراني أستحيت خلود
خلود : هههههههههه احلفي
رغد : ههههه والله
خلود : متى بتجين أن شاء الله
رغد : على المغرب يقول الوالد
خلود : خلاص ننتظرك
رغد : نشوفك على خير
خلود : لحظة .. لحظة
رغد : أيش !
خلود: منار نطت لي لحظة نشوف وش تبي
رغد : ههههه ياحبي لها أكثر شيء متحمسة له الوناسة معها
خلود : افا وأنا وين رحت
رغد : ههههه وأنتِ الخير والبركة
خلود : أسمعي تقولك منار لاتنسين دفتر خواطرك ولا ماتدخلين بيتنا
رغد : هههههههههههههههه قولي لها على عيني
خلود : تسلم عيونك
رغد : يالله أنا أبروح انام ، أبصحى بدري أجهز لـ الفطور لـ الوالد
خلود : يالله تصبحين على خير رغودة
رغد : وأنتِ من أهل الخير خلود



***


أتمنى لكم قراءة ممتعة ، عني أستمعتٌ جداً بـ هذا الفصل وأنا أكتب
وخالطني شيء من الدمع الذي بقي عالقاً بحين وداع مشعل
أمنياتي لكم بـ أوقات طيبة

لعيووووووووووووووووووووووووووووونك بنووته



عساك بس مستمتعه.............

بعدين وين باقي الشباب والبنات وين ردردكم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


لكم ودي

يسلموووو ع الجزء وانتظر الي بعده

وباقي البنات والشباب ماادري عنهم

لا تطول

تقبل مروري

مرورك مقبووووووووووووووووووووووول خيتوووووو بنووته

الجزء الخامس

|||| وأنحرف قلبي نحوهـ ||||



وببيت أبو بدر وتحديداً من غرفة منار
كانت منار منسدحة على السرير ، خذها فكرها لبعيد لـ أغلى ناسها لـ بدر والعنود ومشعل
حضنت صورة مشعل الي كانت حاطتها فوق الطاولة وصارت تطالعه وبعيونها شوق ولهفة
ليتك تدرين يامشعل وش كثر أنا مشتاقة لـك ! جلست تتأمل الصورة وكأنها للمرة الأولى تشوفها
منار : أبفتح المسن يمكن يكون بدر متصل وأشوف أخبارة وأخبار حبيبي مشعل
فتحت منار الجهاز والماسنجر وتسجل دخول ، دورت بدر من ضمن قائمة المتصلين لكن مالقتة حست بـ الأحباط
ماكان لها نفس تكلم أحد من المتواجدين ، حطت الحالة مشغول ، وفتحت المنتدى الي تعودت تكون فية
وعلى قسم القصائد نقرت بـ الماوس كانت تبحث عن شاعرها المفضل والي تحس بـ نبض حروفة وتتابع قصائدة دوم أول بـ أول
إيقونة قصيدة جديدة لـ عذب المشاعر إبتسمت ونقرت لـ فتح المتصفح

بـوقـت مــن الـبطا،وبليل تـترقص شـياطينه"
"بـعد شـفت الـضيا يـنزع مـن ثياب المسا ثلثين
تـحـايلت الـمـنام الـلي مـثل بـيتك تـمرينه "
"وانـا الـلي مـن تـفارقنا وأنـا ماغمضت لي عين
غـريـبة!!كل حـلـم يـمـر بـرقادي تـزورينه"
"والاغـرب..كيف أحـلم الحلم،وارجع واحلمه بعدين؟
قـبـل يـومين،شفتك بـالمنام..وقمت مـن حـينه!"
"ونـمت أمـس،ورجع نـفس الـمنام اللي قبل يومين
أنـا الـلي قـبل اسـافر شـلت قـلبي من شرايينه"
"تـركـته فــي يــدك الأمـانه،واحفظيها زيـن
تــرى حـفـظ الأمـانه ديـن..مجبورة تـردينه"
" أجـل ، مـافيه أحـد قال لك((حفظ الأمانة دين))؟!
مــرد الـمـقفي بـيـلفي..ويستوفي ،وتـوفـينه"
"بـعـدلـيـلـه،ثـلاثـه،أربعه،عشره،شهر،شهرين
إذا انـتـي ،مـاانتي بـقد الـكلام الـلي تـقولينه"
"حـرام...استامنك حـاجة،وإذا جـيت اطلبك تنسين
تـخونين،وتبين أرضـى!..واحد يـرضى تخونينه!"
"أنـا لاجـيت أخـونك،مع حبيبة ثانيه،((ترضين))!
مـن أول مـارجعت مـن الـسفر ماشفت لك بينه؟"
"وأنا اللي كنت أحسبك قبل ادوس ارض المطار..تجين
تـكونين أنـتي أول شـخص عـيني تحتضن عينه"
"وكـنت أتـخيلك مـن زود فـرحة رجـعتي..تبكين
وأشـوف بـدمعتك حـكيك..وأعرفه قـبل تـحكينه"
"واجـيب أحـلى مـن الـلي بتحكينه،وأتركك تحكين
تـقـولـيـن:الوطن نـور..وأقـول:بـنورمضوينه"
"تـقولي لـي:غديت أحـلى،وأقول:عيونك الـحلوين
كـــلام نــام بـشـفاهك..وخفتي لاتـصـحينه"
"ذخـرتـيه لـغـرام لـلي يـنام...ويترك تـصحين
تـغـانمتي غـيـابي..لين رجـحـتي مـوازيـنه"
"تـعلم مـن يـدك لـمس الـكفوف وعـلمك تجفين
ولـيـتك لاقـيـه بــه شـي...فيني مـاتلاقينه!"
"مـهو بـغرور..لكن خـابرك مـالك أمـل تـلقين
تـغـافلك بـغلا..والإ الـحلا مـهو بـمن زيـنه!!"
"تزينه الصور ..بس الصحيح ابن الحلال((زوين))!!
وأنــا مـاني بـنقاص عـنه يـوم أنـك تـبدينه"
"نـصيبي..هو نـصيبي لـو يـسددها من الصوبين
قـنـوع بـمـظهري،والسم مـايـذبح ثـعـابينه "
"عـلى قـول الـمثل((ماني حلو..لكني ماني شين))!
إذا أهــداك الـزهر مـره،فأنا اهـديتك بـساتينه"
" وإذا ألـهاك بـفرح لـيله، فـانا تـهت لبكاك سنين
وإذا اسـتـضعفتك أمـلاكـه...وشتتك مـلايـينه "
" أنـا حـتى فـتات الـخبزة أقـسمها مـعك نصين
طـموحي ،بـس أجـي وأظـفر بـشي تـستحقينه"
"تـديـنـتـه،تـسلفته،سرقته،مومهم مــنــيـن؟
كـأني مـن كـثر مـاارضى بـكل الـلي تـمنينه "
" لـو انـك تـطلبين الله ..يـعنيني، بـقول آمـين
أنـا مـاالعب عـلى الـحبلين،وقت الطيش وسنينه"
"تـبين الـحين يـوم أني كبرت العب على الحبلين؟!
تـرى عـند الـبدو بـالذات((عيب اللي تسوينه))!!"
"حـلاتـك لاعـشـقتي..تعشقيني لـيـوم الـديـن
غـرامٍ نـسكن ضـلوعه...حشيمه مـن مـجانينه "
"جـفـا،يجمع مـعـزتنا...ولاعشق يــذل أثـنين
كـثـار الـلـي تـحـدوني وقـالـولي :تـحبينه"
"امـانـه..لاتخليني صـغـير بـعينهم ((تـكفين))!!
لانـــي كــل مـاقـالوا((تخون))..اقول:مسكينه"
"عـلـيك الله وأمـانـه..علميهم مـنـهو الـمسكين
أنــا خـايف((لياطاح الـجمل تـكثر سـكاكينه))"
"وأنـا مـاعاد بـضلوعي مـكان لـطعنة الـسكين
مـثل مـاقالوا(المكتوب واضـح مـن عـناوينه))"
"لـو ارحـل مـنك للغربه..بسافر من ظلامك وين؟!
كـفـايه..كل حـلـم يـمـر بـرقـادي تـزورينه"
"كـفاية...من تـفارقنا..وأنا مـاغمضت لـي عـين
قـبل يـومين شـفتك بـالمنام وقـمت مـن حـينه"
"ونـمت أمـس،ورجع نـفس الـمنام اللي قبل يومين


ولـ زاوية أدراج نص ، حطت منار تعليقها على القصيدة :

عذب المشاعر
كثيراً ماكنتُ أحاكي القمر عن ما بداخلي لـ أجده يبادلني ذات الشعور
ولكن وجدتٌ نبض قصيدك هنا يحاكي شيء مما بـ الأنا
أفتقد من هو الروح لي وبقت الزوايا مظلمة من بعد رحيلة
ليس حبيباً كـ الأخرين ليس رجلاً وليته كذلك لـ كان الأمر يهون
أرغب أن أنام اليلة فقط لـ أعانقة بـ حلمي !
طفلاًهو وسـ يكون يوماً رجلاً لـ أزفة لـ أنثى ملائكية بروحها

حبيبة مشعل ،

ونقرت بـ الماوس إرسال رد ، مو من عادة منار يكون أسلوبها جاد كان يميل لـ الفكاهة والمزاح
لكن كان القصيدة أنحطت على جرح بداخلها وموضع يؤلمها ، ولحظة سهو تم تسجيل دخول ، الشوق يأخذني لكم
الشوق يـاخذني لكم : السلام عليكم
منار : عليكم السلام والرحمة هلا هلا بنور العين
الشوق ياخذني لكم : هلا بـ حبيبة بدر وشلونك ووشلون أهلي أبوي وجدتي وخالد وتركي ومشاري وخلود
منار : شوي شوي مو كلهم مره وحدة
الشوق ياخذني لكم : وش اسوي مشتاق لكم وابي اعرف اخباركم
منار : تشتاق لك العافية ، كلهم طيبين ويسلمون عليك الحمدالله بخير ونعمه ، أنت بشرنا وش اخبارك
الشوق ياخذني لكم : تمام الحمدالله ، الجو حلو ، ومابعد تعودنا على المكان يبي لنا وقت
منار : اكيد المكان غريب عليكم شوية وقت وبتتعودون ، وش اخبار العنود ومشعل
الشوق بياخذني لكم : والله طفشانين ومالين من جلسة البيت أنا أكون مشغول بـ أغلب الوقت وقليل أكون فاضي ، وهم
مايعرفون أحد بالمنطقة والناس غريبة عليهم ، بس قررنا ندخل مشعل للروضة أقلها يوسع صدرة ويكسب لغة والعنود بتدور لها
جمعية تنفع لها تختلط مع الناس ومنها تكسب لغة والأهم تقضي وقتها وماتحس بـ الملل
منار : ايه كذا احسن يقطعون الوقت شوي ، ياخوفي يجي عاد مشعل يرطن علينا انقلش وانا ادربي رأسي مدري وش السالفه
الشوق بياخذني لكم : ههههههههههههههههههههه شكله كذا بيصير
منار : هههههههههههههههه اجل ابتعلم من الحين لايصير ذا البزر احسن مني هذا الناقص
الشوق بياخذني لكم : يالله ورينا شطارتك
منار : بدر ماعندك كام أبي أشوفك يمكن تغيرت علي
الشوق بياخذني لكم : هههههههههه حرام عليك ياشيخة توني رايح من عندكم مامداني اتغير
منار : ههههههههههه مدري يمكن مع الأجواء يتغير الوحد
الشوق ياخذني : شكلك فاهمه غلط من جد
منار : لاتصرف عندك كام
الشوق ياخذني لكم : لا والله مابعد رحت أشتري أن شاء الله قريب
منار : عجل علينا تراني متحمسة
الشوق ياخذني لكم : والله حركات ليتنا رايحين من زمان عشان نعرف قدرنا عندك
منار : والله قدركم مايوصلة أحد لاتذكرني بس واصيح الحين ومن يسكتني عاد
الشوق ياخذني لكم : لاتكفين لاعمرك تصيحين خلي الصياح لـ جبت لكم الشهادة ساعتها صيحي
منار : ههههههههههههههههههههه عناد فيك ماراح اصيح
الشوق ياخذني لكم : هههههههههههه ياحبي لك منور
منار : العنود جنبك !
الشوق ياخذني لكم : لا ليش
منار : عشان أبادلك الحب والا ، لان الأخت تغار
الشوق ياخذني لكم : هههههههههههههههههههههه لا خذي راحتك بعيدة عني
منار : ههههههههه صدق انك مالك آمان بتخونها دامها ماتدري
الشوق بياخذني لكم :تراك اختي يالخبلة وش تخونها وماتخونها ترى تصدق عاد لو تسمعك
منار : عاد العنود على الريحة تبي طرف خبر بس
الشوق ياخذني لكم : ياحبي لها الله لايحرمني لا منها ولا من مشعل
منار : ولايحرمني منكم
الشوق ياخذني لكم : يالله منور أنا أبروح أبدل ملابسي وبكمل شغل عندي ضروري أخلصة لبكرة ، سلمي لي على الأهل كلهم وبرأسهم الوالد وجدتي
منار : يبلغ أن شاء الله ، موفق ياأخوي
الشوق ياخذني لكم : واياك ، يالله فمان الله
منار : فمان الكريم

خذت لها لفة بـ المنتدى من بعد محادثة بدر وهي بتقفل وصلها لديك رسالة جديدة
نقرت بـ الماوس ولقتها من عذب المشاعر فتحت الرسالة من بعد السلام أنه يرغب
بـ إضافتها على المسن أذا تقبل أو تعتبرة ماطلب اذا ماكان لها خاطر

تفاجأت من طلبة وماتوقعت أنه بيطلب بيوم ، تقدر هالأنسان كثير وتعزه وتحترم حرفة أكثر
إنسان خلوق ومؤدب ويحترم الكل ماشافت منة الاكل خير من خلل تواجدة بالمنتدى
كانت تتمنى تعرف هذا الأنسان عن قرب وهل من الممكن يكون بالواقع مثل ماهو عليه بـ المنتدى
خذت الأيميل وأضافته لـ قائمة الأتصال عندها ، قفلت المنتدى وكانت على وشك تقفيل المسن
تم تسجيل دخول لاشيء يستحق ..

لاشيء يستحق : السلام عليكم الجوري
منار : عليكم السلام والرحمة
لاشيء يستحق : كيفك !
منار : تمام الحمدالله ، كيفك انت !
لاشيء يستحق : الحمدالله بخير، تمنيت فعلاً من زمان أتعرف عليك كانت دايم ردوك تخليني إبتسم وخفة روحك تبسطني
منار : تسلم أخوي من طيبك
لاشيء يستحق : بس ردك الأخير كان مختلف عن ردودك السابقة !
منار : قصدك جدي أكثر !
لاشيء يستحق : أيه
منار : لاأبداً بس لان القصيدة جت بوقتها بالوقت الي انا فاقدة ناس غالية علي واتمنى شوفتهم ولو بـ الحلم يكفيني
لاشيء يستحق : الله يطمن قلبك بشوفتهم
منار : آآمين ، بس جد اذا فقدت ناس تعودت قربهم ومايوم بعدوا عنك وفجاءة يروحون منك تحس بـ شعور غريب
لاشيء يستحق : كويس انها وقفت معك على ناس مو احد اقرب من الناس
منار : الناس الي اقصدها مو ناس بعيده .. اخوي وولدة وزوجتة سافروا للخارج وفقدتهم
لاشيء يستحق : يظلون ناس مو اقرب
منار : مافهمت عليك ..
لاشيء يستحق : كونك تفقدين أخ أخت صديق صحيح شيء يتعب وفقدة لكن اذا فقدتي شخص أقرب من كل الناس
الي هو أبوك وش تتوقعين !
منار : ليش الوالد متوفي !
لاشيء يستحق : متوفي ومو متوفي
منار : كيف !
لاشيء يستحق : بعيد وقريب بنفس الوقت ، حاضر وغايب ، حي وميت ، صحيح عايش لكن مو لنا لـ ناس غيرنا
منار : يعني ماتشوفة !
لاشيء يستحق : تقدرين تقولين عياله أقل ناس تشوفة ، طول الوقت مسافر ومانشوفة الا ساعات ويرجع يسافر
أحيان أقول لو ميت بنبكي علية أيام وبنترحم وبنذكرة بـ الخير ، بس الحين محسوب عندنا والد وهو لا
منار : مهما يكون يبقى ابوك وولو غلط بـ البعد مصيرة بيرجع وبيحس بالغلط وتقصيرة
لاشيء يستحق : أتمنى يحس ويصحى ويعرف حقوقنا عليه
منار : مافيه شيء بعيد على ربي ، خل عندك أمل وأن شاء الله خير
لاشيء يستحق : أن شاء الله ،
لاشيء يستحق : تدرين شخصيتك بـ المنتدى غير عن هنا ،
منار : من أي ناحية !
لاشيء يستحق : توقعتك بتكونين فلة وسعة صدر مثل شخصيتك هناك ويمكن زود
منار : بالمنتدى احب اكون بعيد عن الرسمية لاني جاية اوسع صدري وتاكد أي شخص يعكس الأنسان والروح الي بداخلة
لاشيء يستحق : أكيد
منار : بس انت نفس شخصيتك بـ المنتدى ونفس الهدوء
لاشيء يستحق : وهي نفسها شخصيتي الحقيقة أحب الهدوءء بعيد عن الشغب
منار : قصايدك حيل تعجبني ومتابعة لكل جديد لك
لاشيء يستحق : يشرفني أكيد تكونين متابعة
منار : لاتطول علينا بالجديد مانحب الي يتغلى
لاشيء يستحق : لا ابد مافية تغلي عليكم ، بس احيان المشاغل تربطني وظروف الدراسة هي لي تأخرني لكن عطلنا الحين ومتفرغ
منار : ايه والله بـ الأجازه يكون الواحد فاضي بعكس ايام الدراسة
منار : لحظة
لاشيء يستحق : اوك
خلود : منار اخلصي تعالي رغد وصلت وتسأل عنك
منار : وراك ماعلمتيني مادريت
خلود : هذاني علمتك قفلي الجهاز وتعالي
منار : يالله جاية وراك

منار : يالله أنا أستأذن جت بنت عمي وابروح اجلس معها

لاشيء يستحق : أذنك معك ، وجد أستمتعت معك وانا أتكلم معك للمرة الأول
منار : وانا بعد أرتحت لك أخوي ، أن شاء الله ماتكون الأخيرة
لاشيء يستحق : الله يوفقك
منار : فمان الله
لاشيء يستحق : فمان الكريم



***


منار : هلا هلا والله رغودة نور البيت بوجودك
رغد :هلا بك منور اشوفك جيتي تستقبليني
منار: لا والله اني لابسة وجالسة على النت انتظر بس جيتك
رغد : دام السالفه فيها نت اجل نسيتي نفسك
منار : ايه والله اذا جلست علية يروح الوقت وانا مااحس
رغد : صادقة اذا مليتي اجلسي علية ويروح الملل ، وأنتِ خلود ماتجلسين علية
خلود : لا والله سبحان الله ماعطاني ربي الحب لة أبداً ولو طرى علي يعني اجلس علية
اخلي منار تفنتح واكون جنبها وشوي وامل
منار : من اجد انتِ ملولة وبسرعة
رغد : أجل وين جدتي ماشفتها تراني حدي مشتاقة لها وعمي أبو بدر
خلود : جدتي بغرفتها جالسة من بعد صلاة المغرب وأبوي مابعد جاء للحين على العشاء بيكون هنا ، نروح لجدتي بغرفتها بتفرح بجيتك
رغد : يالله

خلود : جدتي أدخل
الجدة : ادخلي يابنيتي
خلود : تقبل الله ياجدة
الجدة : منا ومنك يابنيتي
خلود : جايبة لك مفاجاءة ياجدة ماتحلمين بها
الجدة : مايجي منك الا كل خير يابنيتي
خلود : تسلمين ياجدة ، بس هالمرة غير عن كل مرة ، ادخل رغودة
الجدة : ياحي الله بنت عبدالله تعالي يابنيتي
رغد بعد ماباست رأس جدتها : وشلونك ياجدتي مشتاقة لك
الجدة : بخير ياوجة الخير ، انتِ وشلونك
رغد : الحمدالله بخير دامني حولكم واشوفكم طيبين
منار : نحن هنا والا الحب صار لرغد
الجدة : كلكم بناتي واحبكم ، بس مبطية عن رغد واخبارها
رغد : حبتك العافية ياجدة الله يخليك لنا
خلود : يالله اليوم عشان رغودة عندنا بندلعكم وش تبون على العشاء
منار : ياليتك عندنا كل يوم عشان نشوف الترف من الأخت خلود
رغد : تسلمين والله خلود لاتتعبين نفسك
منار : يازينك ساكتة ، خلينا نشبع اليوم
رغد : هههههههههههه طيب هذاني سكت
الجدة : الله تبين يابنيتي كل شيء من يدينك حلو
منار : مشكلة الي ماعمره أنمدح في ذا البيت يغار والا وش يسوي بالضبط عشان يحسون فية
رغد وخلود : ههههههههههههههههههههههههههههه
الجدة : انتِ خلي عنك قل السنع وتصيرين حرمة
منار : اجل شكلي مطولة على المدح ماحولي شيء
رغد : ههههههههههههههههههههههههههه
خلود : وش ودك نسوي رغد
رغد : امممممم مشتهية المكرونة الي سويتيها بـ المزرعه من جد كانت تجنن
خلود : أبشري ماطلبتِ شيء
رغد : وانا ابسوي السلطة
خلود : اوك والسلطة عليك
منار : وانا ابحط السفرة
خلود : هذا الي فلحتي فيه
منار : لااهون الحين بس
خلود : لا خلاص سكتنا

خالد : أدخل ياجدة !
الجدة : لا ياوليدي عندنا بنت عمك رغد
خالد : هلا رغد وشلونك !
رغد : الحمدالله بخير، وشلونك انت عساك بخير
خالد : الحمدالله بخير واليوم بزود ، أبشرك جدتي نجحت وبكل المواد يعني تخرجت ، حلفت مايدري أحد قبلك
الجدة : أدخل ياوليدي دام فيها مبارك ، تغطت رغد بـ جلال صلاة الجدة ، ودخل خالد وجلس بجنب جدتة على السجادة
الجدة : مبروك ياوليدي ياجعل الفرح دوم لك تستاهل ياوليدي والله انك رجال
خالد : الله يبارك فيك ياجدتي
خلود : مبروك خالد والله تستاهل ياأخوي
خالد : الله يبارك فيك خلود تستاهلين أكثر
منار : مبروك خلودي تستاهل
خالد : الله يبارك فيك منور عقبال مانفرح بتخرجك
منار : ياليل مطولك توني مطولة المشوار في أولة
خالد : كلها ايام واذكرك
رغد : مبروك خالد تستاهل
خالد : الله يبارك فيك تستاهلين اكثر والله
خالد : يالله وش بتعشوني اليلة بـ هالمناسبة
الجدة : تستاهل الذبيحة ياوليدي
خالد : تسلمين يالغالية
خلود : عشاك اليوم من يديني ومن يدين رغد
خالد : تسلمون والله من الحين ضامن انه بيكون لذيذ
منار : ياخوفي مانتعشا اليوم ههههههههههههههههه يحترق والا يصير فية شيء
خالد : فالك ماقبلانه خليك ساكتة احسن
الجدة : وين القهوة يابنيتي ماتقهوينا
خلود : يالله ياجدتي ابحطها بالصالة
الجدة : جايين وراك يابنيتي عطيني يامنار عصاي
منار : ان شاء الله



***

بعد العشاء الي جمع أبو بدر والجدة وخالد ومشاري
أبو بدر : التخرج وصار ماعاد لك عذر تجي وتساعدني بالشركة
الجدة : اكيد ياوليدي بعد ماخلص من دراستة بيصير معك ، وبنزوجة بنت الحلال الي تستاهلة
مشاري صار يطالع بدر يبية يقول راية وبصراحة ولايسكت ، خالد طالع مشاري هو يدري وش يبية يقول
بس ماقدر يكسر فرحة ابوة بتخرجة وانتظاره له يدخل الشركة ويكون سند لة
خالد : أبشر يبة أن شاء الله قريب بس ابي ارتاح من بعد الدراسة ومايصير خاطرك الا طيب ، أما الزواج ياجدتي تونا بدري علية
مشاري وهو يعض على شفته ، ويقول بنفسة ليه ياخالد تعطي الوالد أمل أكبر وتوافقة على شيء ماتبية انت
ابو بدر : الله يسلمك يالوليدي متى مارتحت خذ الوقت الي تبيه والشركة تنتظر جيتك
خالد : أن شاء الله يبة


رغد وخلود ومنار بعد مانتهوا من العشاء صعدوا الدرج بطريقهم لغرفة منار كانت غرفة تركي على نفس الممر
كانت غرفتة مظلمة والباب مفتوح وقفت رغد وجلست تطالع كان تركي جالسة على الكرسي ومعطي الباب ظهره
قريب من النافذة وجالس يتأمل ، كان منظر الغرفة وهي بالظلمة موحش والجو كئيب ويعطي اليأس بالحياة ، يبي جرعة أمل
بس كيف توصلها له ! وكيف بتخلية يتقبلها ويتكيف معها ! آآه ياتركي مدري وش سويت فيني من بعد القصيدة والمزرعه
كملت طريقها من بعد مابقتها خلود ومنار ، جلست سرحانة شوي بـ الشخص الي جالس على كرسية
في الآونة الأخيرة صار يحتل مساحة كبيرة من تفكيرها وعقلها ،
منار : جبتي دفتر خواطرك رغود
رغد : هاه
منار : وين وصلتِ
رغد : لا معاك ، ايه جبتة خفت على نفسي يصير فيني شيء لو انسى
منار : ههههههههههه ايه على بالي بعد
رغد : ودك تقرين الخواطر
منار : لاقوليها بصوتك بتكون أحلى صوتك يجنن
خلود : ابشرك رغود بتصكك بعين الأخت
رغد : ههههههههههه
منار : قلنا ماشاء الله بعد لاتزعجونا لو يصير فيها شيء
رغد : ههههههه
منار : يالله اختاري لنا خاطرة حلوة وقوليها
رغد : لحظة فية وحدة حلوة بتعجبك
منار : يالله سمعينا
رغد :
كثيرة هي الاشياء التي ..

تدفعك لي

وتدفعني لك



تجمعك بي

وتجمعني بك



قد نجهل يا عزيزي معالمها ..!!

ولا ندرك.. أدق تفاصيلها

وقد لا نعي ماذا عساها تكون ..!!

وكيف أتت لنا ..؟

وكيف وحّدت بين أرواحنا ..!؟

ولكن ..

ثمة صوتٌ في أعماقنا ينادينا ويقول لنا ..

أن يــــــا..



أنا وأنت

في كثير من أمور الحياة

يحتاجُ كلٌ منّا للآخر

نحتاج لأن نكون أكثر قرباً من ذي قبل

نحتاج لأن نكون روحٌ واحده

تسكن جسدين ترابيين مرهقين

فـ يا عزيزي

لا يأخذك الفكرُ بعيداً

حين تحاور نفسك مثلما أحاورها

عن أسباب الـ أأتلاف القائم بين روحي ورحك

فــ لربما لا تعرفني ..!!؟

وأنا بمن تكون أنت أجهل..!!؟

ولكن يراودني شعور

أن أرواحنا سبق لها وأن إلتقت في مكان ما..!!

ربما حين كانتا تحلقان في السماء

قبل أن ينتهي القدر بهما

فتسكنا جسدينا

أو لربما قاربت بيننا ظروفنا

القاهرة لـ أيامنا

حين سكنت دقائقها

وأستوطنتها وثقلت عليها بعوالم الأحزان

فـ كل حوار يراودنا

أو بحثٌ عن حقيقة

مازلنا نجهل أصلهِ وأسبابهِ

فــ يا بقية من أنسان متعب

أتعبه الزمن

وأرهقهُ الشوق والحنين

دعني أخبرك أمراً..

أنني .. حين أكون قريبة منك ومن مدن بوحك

ينتابني شعورٌ غريب

أجد أن نفسي تعجز عن وصف هذا الشعور

وأجدها عاجزةٌ عن فك طلاسم تلك الاحاسيس

فلا تجري وتدفعني إلى أن أجري خلف تلك الأسباب التي

تدفعك نحوي وتدفعني نحوك

فــ القدرُ وحدهُ من يملكُ سرنا

فحين تمنحنا أقدارنا الأحزان شقاءٌ على كاهل أرواحنا

وترسمهُ بينا ثواني أيامنا

نجدها لا تلبثُ أن تشفق علينا .. وترحمنا

وتهدينا ما نعجزُ عن أن نهديهِ لأنفسنا

فــ يا هدية القدر لي

قدري وقدرك

إجتمعا يوماً

منار : واااااو روعة رغد ، بجد مره أحساسك وحسيت بالعذوبة مع نغم صوتك مره خيال
خلود : جد مره حلوة رغد مافكرتي تكتبين بـ أي مكان
رغد : تسلمون لي ، لا والله اكتب بدفتري على حسب الحال النفسية واقفلة وبس
منار : لا بجد حرام كذا حروف تندفن ، الا على الطاري خليني اوريك واحد معانا بـ المنتدى
عليه قصايد روعة وبجد مبدع ، اكيد بتعجبك
رغد : طيب وريني


***

في بيت أبو محمد ..
أم محمد : بنروح اليوم لبيت أبو بدر تبي نجهز لك شيء قبل نروح
محمد : لا يمة انا ابطلع اليوم معزوم عن واحد من الربع
أم محمد : الله يسهل دربك ياوليدي
محمد : الله يخليك يمة

نوف : أنا جهزت يمة كانت لابسة بنطلون أسود وجاكيت أسود وبلوزة داخلية أحمر
ورافعة شعرها كلها على شكل ذيل وميك اب خفيف صاير شكلها رسمي وبنغس الوقت حلو

محمد : واااااااااااو وش هالزين يانوف ، يابخت العريس المنتظر
نوف وهي مستحية : تسلم أنت أحلى
أم محمد : وين الهنوف ماخلصت مانبي نتأخر عليهم
نوف : الا جاية وراي
الهنوف : جيت جيت لاتحطونها فيني أني أتأخر دايم
كانت الهنوف لابسةَ تنورة قصيرة رمادي وبلوزه أصفر وصندل رمادي وتاركة شعرها مفتوح على رقبتها واكتافها مع ميك اب ناعم صاير شكلها نعوم وبناتي
محمد : لالا وش ناوين تسوون اليوم فيني ادوخ الحين
الهنوف : هههههههههههه بسم الله عليك
محمد : يايعد قلبي والله أنتِ حكاية ثانية اذا كشختي
نوف : وش قصدك احلى مني
محمد : لاتخنفسين انت احسن ههههههه
نوف : ايه اشوى
ام محمد : خلونا من سواليفكم ، يالله مشينا
محمد : موفقين ،


***

في بيت أبو بدر ..
خلود : خالد ياليت تجيب لنا عصير من أقرب محل
خالد : وش عندكم بيجون ضيوف !
خلود : بتجي أم محمد وبناتها
خالد بناتها يعني الهنوف ، صاحبة العطر الي دوخني من ذاك اليوم
خالد : طيب متى تبغينه
خلود : متى مابغيت هم بيجون الحين يعني عادي لو على المغرب بس لاتتأخر
خالد : طيب يالله انا ابروح لمشوار وابجيبة معي


أم محمد : هلا والله ببنيتي رغد وشلونك وشلون الوالد
رغد : الحمدالله بخير انتِ بشريني عنك
أم محمد : بخير يابنيتي ، وينك ماتنشافين ماشفتك من زمان عند جدتك
رغد : مشاغل الوالد تقطعني عنهم والله غلاهم بقلبي مايتغير
أم محمد : الله يخليهم لك ، ماشاء الله تغيرتي يابنيتي شبة الوالدة ، والله وصرتي عروس
رغد وهي مستحية : ماعليك زود ياخالتي
الجدة : ياليت كل البنات مثل رغد جمال وسنع وأخلاق من يلقى مثلها لولده ويقول لا
أم محمد : ايه ماشاء الله عليها الله يحفظها من الشر
نوف أشتعلت الغيرة بـ قلبها من رغد ، وصارت تنظر بنظرات الحقد والكراهية
رغد كانت فعلاً جميلة طويلة القامة جسدها ممتلئ ببيضاء وشعرها منسدل إلى الأكتاف
كانت ترتدي بنطلون جينز وتي شيرت أبيض وشعرها مسندل على أكتفاها كان شكلها جداً فتنة ومغري لـ التفحص

نوف : وين عايشة فية رغد !
رغد : مع الوالد
نوف : والوالد ماتزوج من بعد امك !
رغد : لا مايفكر يتزوج من بعد امي الله يرحمها
نوف كانت متقصدة تفتح موضوع تضايق فيه رغد
نوف : اكيد متزوج بس مخبي عليك ، والمشاغل الي يقول عليها هي زوجتة
رغد وبنبرة صوت مختلفة : ابوي وانا ادرى فيه لو بيتزوج كان بيقول مايحتاج يكذب
نوف : وش يعرفك انتِ ماتدرين
هنا خلود حاولت تغير الموضوع لما حست ان رغد تضايقت من كلام نوف
خلود : شفتي السوق الي فتح قريب من عندنا
نوف : سمعت عنه بس مابعد رحت له
خلود : لايفوتك شيء خيالي ، من جد ماتوقعته كذا
نوف : صدق ، حمستيني اروح له ، ابحاول بكرة او بعدة اشوفة


***

منار خذت الهنوف لـ غرفتها كانت تبي توريها بعض الأغراض بعد مانزلوا لـ تحت
منار : أخبرك تحبين الورد حيل الهنوف
الهنوف : في احد مايحب الورد ، يازينة بس
منار : عندنا بالحديقة ورد قبل اسبوع جايبينه جديد مره الوانه روعه تعالي اوريك
الهنوف : وااو شيء من زمان وانا ابي احط بحديقتنا بس الدراسة وماعاد فضيت بس الحمدالله خلصنا
منار : بشري وش سويتي
الهنوف : والله ان شاء الله ، بس مابعد طلعت النتائج الثانوية العامة
منار : الله يوفقك ، تعالي نطلع
الهنوف : اوك

في الحديقة كانت مجموعه من الورود كانت على الوان قوس قزح ،و على ركن منزور من الحديقة
والمساحة الخضراء تغطي المنطقة وبركن مقاعد للجلوس مع طاولة ، تبعث على الأرتياح والهدوءء
جلست الهنوف بجانب الورد كانت رائحتها زكية لايمل من تنفسها ،

منار : كيف الورد أعجبك !
الهنوف : حيل حيل منار مره الذوق يجنن
منار : اختيار خالد عاد هو ابو الذوق كلة
الهنوف : لا جد اذا هذا ذوقة مره ذويق
منار : لحظة ابجيب الجرة الي نسقي فيها الورد اليوم ماحطينا علية موية
الهنوف : لازم ماتنسون والا يموت ، بعدين حرام
جلست الهنوف على الكرسي الي بالحديقة ومنار راحت تجيب جرة الموية
كانت الهنوف جالسة وتتأمل الورد دخل خالد بالعصير الي كان في يدة ومر من عند الحديقة بيدخل للبيت
وهو مار وصلتة ريحة العطر ! العطر هذا مو غريب عليه ، يعرف الريحة هذي ويعرف صاحبها من قبل !
قرب من الحديقة وشاف الهنوف جالسة على الكرسي ورافعى رجولها وضامتها بيدينها لـ حضنها وجالسة تطالع بـ الورد ومانتبهت لوجودهـ
جلس يطالع فيها ولما حس بصوت كمل خطواتها وجت منار بوجهه
منار : اهلاً خلود
خالد : اهلين ، خذي العصير هذا الي طالبته خلود
منار : لحظة انت الحين جيت من عند الحديقه
خالد : ايه
منار : وماشفت احد فيها !
خالد : الا
منار : ههههههههههه وتقول الا بعد
خالد : أجل وش اقول !
منار : الهنوف بالحديقة اكيد مختبصة الحين البنت ومستحية
خالد : لا مادرت عني مريت وشفتها وشكلها مادرت
منار : هههههههههههههههه خاقة مع الورد وماجبت خبرك اجل
خالد وتحبين الورد يالهنوف ، عطرك يكفي عن اي عطورت غيره
منار : طيب لحظة اقولها تبعد عشان تطلع
خالد : اوك
منار : الهنوف .. الهنوف
الهنوف : هلا وين رحتي طولتي
منار : ههههههههههههههههههه
الهنوف : وش فيك !
منار : خالد مر وشافك وانتِ ماجبتي خبرة متنحة مع الورد
الهنوف وهي مستحية : لاتقولين ماسمعت صوت ولاشفت احد
منار : الله يلوم الي يلومك دامك مقابلة الورد
الهنوف : والله فشلة يـاربي
منار : أعتبريها الشوفة الشرعية وبكره الخطبة
الهنوف ووجهها صار احمر : وش تقولين انتِ
منار : ههههههههههههههههههههههههههههه يازينهم المستحين لا خلاص بنخطبك ضروري
الهنوف : خلاص يامنار عاد
منار : ههههههههههههههههه اقول بيطلع خالد ابعدي وراء الشجر عشان يطلع
الهنوف : اوك
راحت الهنوف وطلع خالد ، الهنوف كان جد مستحية منه ومن الموقف الي صار وش بيقول عليها
بيتوقع انها حاسة بوجوده وانها مستقصدة تجلس ، طول الجلسة كانت مو على بعضها وباين عليها الأرتباك
والوحيدة الي تدري وتضحك طول الوقت منار ،


***

في غرفة الجدة وبعد صلاة العشاء
خالد : ودي افتح معك موضوع ياجدتي بس مدري من وين أبدا
الجدة : قولي ياوليدي وش عندك
خالد : تعرفين خويي [ طلال] الي يشتغل مع الوالد في الشركة ، ونعم الرجال وينحط على يمناك
طلب مني يد أختِ خلود ويبها زوجة له على سنة الله ورسولة ماقدرت اعطية كلمة الا بعد ماسألك
الجدة : والله الولد يمدحة ابوك بـ الشركة ، ودام ماعليه خلاف خلة يجي وأن شاء الله خير
خالد : بس تعرفين خلود رافضة الزواج ، وتقدم لها قبلة كثير وترفضهم أخاف أخليه يجي وترفض كالعادة وماودي ارفضة وهو متعني للبيت
الجدة : خلود تعبت معها وانا ابيها تقتع بس ماطاوعتني ، بس هالمرة بتوافق عليه غصيبه اذا موب طيب
خالد : مانبي نغصبها ياجدة على شيء ماتبية وبتقول عشانة صديقي
الجدة : دامها ماتعرف وين مصلحتها لازم نعلمها ، مالها عذر واضح تعذر بـ أخوانك والحمدالله كبروا وماعاد عليهم خوف ، وش يجلسها بدون زواج
أنا الي ابتفاهم معها هالمره ، دام الرجال ماينعاب وينشرى ،
خالد : يعني أخلية يجي للبيت يخطب ،
الجدة : تؤكل على الله ياوليدي وأنا أبتصرف
خالد : خلاص ابعطية موعد الأسبوع الجاي
الجدة : على خير ياوليدي



***


أتمنى أن تطيب لكم القراءة ، ووقت ممتع أتمناهـ لكم

يسلمووووووووووووووو

اتمنى تكمل

انتظر البارت الجاي

تقبل مروري